Aýa raıy
Astana 27 °S
Almaty 32 °S
valıýta baǵamy
USD 412.55
EUR 468.66
RUB 5.79
CNY 58.80

Almaty oblysynda Astana kúnine oraı  jedel járdem kólikteriniń kilti tabystaldy

2020 jyldyń 3 shilde 2020 18:10

TALDYQORǴAN. QazAqparat - Búgin «Nur-Otan» Almaty oblystyq partııa fılıalynda Astana kúnine oraı saltanatty shara uıymdastyryldy. Oblys ákiminiń orynbasary Batyrjan Baıjumanov jáne oblystyq partııa fılıaly tóraǵasynyń birinshi orynbasary J.Jórgenbaev quttyqtaý sózderin sóılep, partııa qataryna ótken bir top jas mamanǵa partııa bıletin, Alakól aýdanyna 2 jedel járdem kóliginiń kiltin tabystap, erikti M.Keneshovti «Halyq alǵysy» medalimen marapattady, dep habarlaıdy QazAqparat tilshisi oblystyq «Nur-Otan» partııasynyń baspasóz qyzmetine silteme jasap.

«Jalpy Almaty oblysynda nurotandyqtardyń aýrýhanalarǵa kórsetip jatqan kómegi az emes. Osy ýaqytqa deıin «Nur Otan» partııasynyń múshesi-kásipker V.Sychev Taldyqorǵan qalasyndaǵy oblystyq jedel járdem stantsııasyna reanımobıl, Qapshaǵaı qalasynda «Nur Otan» partııasynyń múshesi-kásipker M.Sergebaev qalalyq aýrýhanaǵa retro avtokólik murajaıynan «Volga» avtokóligin syıǵa tartty. Sonymen qatar, 8 mln teńgege Covid-19 koronavırýs indetin anyqtaýǵa arnalǵan 1900 ekspress test jáne Eńbekshiqazaq aýdanynyń kópsalaly aýrýhanasyna 53,2 mln teńge kólemindegi qarjyǵa juqpaly aýrýlardy anyqtaýǵa qajettiliktermen jabdyqtalǵan jyljymaly zerthanasyn satyp alyp berdi«,- delingen atalǵan vedomstvonyń baspasóz qyzmeti taratqan habarlamada.

















Joǵary qaraı