Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda bir aı buryn joǵalǵan jasóspirim tabyldy

2020 jyldyń 22 qazan 2020 11:08

TALDYQORǴAN. QazAqparat - Almaty oblysynyń polıtseıleri bir aı buryn iz-túzsiz joǵalǵan jasóspirimdi tapty. Ol jeke páterde turyp, kólik jýý oryndarynyń birinde jumys istegen, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe,

10 qyrkúıek kúni Sarqan APB kezekshi bólimine 15 jastaǵy jasóspirimniń 49 jastaǵy zańdy ókili onyń joǵalǵany týraly aryzdanǵan. Onyń aıtýynsha, jas jigit 9 qyrkúıekte úıden belgisiz baǵytta ketip, oralmaǵan. Kámeletke tolmaǵan jasóspirimniń habar-osharsyz ketýi deregi boıynsha polıtseıler birden ony izdeýge kiristi.

Іs-shara barysynda polıtseıler izdestirilip jatqan adamnyń Aqtuma aýylyna jaıaý jetkenin, sodan keıin taksımen aýdan ortalyǵyna barǵanyn, sol jerden Almaty qalasyndaǵy «Pervomaıkaǵa» jetkenin anyqtady. Ári qaraı onyń baǵyty joǵaldy. Bir aıdan astam ýaqyt boıy tártip saqshylary Almaty qalasynyń Jetisý aýdanynan balany tapqansha izdeý sharalaryn júrgizdi. Ol onda jeke páterde turyp, kólik jýý oryndarynyń birinde jumys istegen.

ıÝvenaldy polıtsııa qyzmetkerleri kámeletke tolmaǵan jasóspirimge túsindirý jumystaryn júrgizdi. Zańdy ókil QR ÁQBtK-niń 127-baby « Ata-ananyń nemese basqa da zańdy ókilderdiń kámeletke tolmaǵan balalardy tárbıeleý jáne (nemese) olarǵa bilim berý, olardyń quqyqtaryn jáne (nemese) múddelerin qorǵaý jónindegi, sondaı-aq olarǵa kútim jasaý jáne kútip-baǵý jónindegi mindetterdi oryndamaýy» boıynsha jaýapkershilikke tartyldy.


Avtor Samal Qabysheva
Basty sózder: Almaty oblysy, Oqıǵa, QR ІІM,
Joǵary qaraı