Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda bolashaq qutqarýshylardy daıarlaıtyn kadet synyby bar

2020 jyldyń 1 aqpan 2020 06:31

TALDYQORǴAN. QazAqparat - Almaty oblysynda bolashaq qutqarýshylarǵa arnalǵan kadet synyby bar. Ol azamattyq qorǵanys uıymdaryn jandandyrý maqsatynda 2019 jyly Іle aýdany, Ótegen batyr aýylyndaǵy 7-shi orta mektep negizinde ashylǵan, dep habarlaıdy QazAqparat tilshisi.

«Smartsarbaz» - «Jas órt sóndirýshi», ıaǵnı eń jas qutqarýshylardy daıyndaıtyn elimizdegi jalǵyz kadet synybynda 27 oqýshy bar. Olardyń 16-sy – er bala, 11-i – qyz. Kadettik synyp – bolashaq mamandardy tárbıeleýdiń jańa tásili.

Mamandardyń aıtýynsha, mundaǵy oqýshylar tártipke úırenip, ýaqytyn tıimdi josparlaýǵa daǵdylanady. Boıyna jaýapkershilik pen patrıotızm sııaqty qasıetterdi sińirip ósedi. Synypty ashýdaǵy basty maqsat, mektep partasynan bolashaq órt sóndirýshi, qutqarýshylardy daıarlap shyǵarý. Kadet synybyn Almaty oblystyq Tótenshe jaǵdaılar departamenti óz qamqorlyǵyna alǵan. Departament qyzmetkerleri kadetterge sabaq berip qana qoımaı, tájirbıe júzinde órt sóndirý bólimderi men sýda qutqarý qyzmetindegi jumystaryn tanystyryp, mashyqtanýǵa kómektesip turady.


Joǵary qaraı