Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda tsehta jarylys bolyp, jumysshy qaza tapty

2020 jyldyń 29 qazan 2020 15:14

NUR-SULTAN. QazAqparat - Almaty oblysynda tsehta jarylys bolyp, jumysshy qaza tapty. Bul týraly QR Tótenshe jaǵdaılar mınıstrliginiń resmı ókili Talǵat Ýálı aıtty, dep habarlaıdy QazAqparat tilshisi.

«2020 jylǵy 29 qazanda saǵat 11.31-de Almaty oblysy TJ departamentine Uıǵyr aýdanynyń Shonjy aýylynda dárethana qaǵazyn shyǵaratyn tsehta qaǵaz keptirýge arnalǵan qazandyqtyń jarylǵany jáne ishinara shatyrdyń qulaǵany týraly habarlama tústi. Oqıǵa ornynda órt bolǵan joq», - dedi ol.

Resmı ókildiń aıtýynsha, apatty jaǵdaıdyń saldarynan 1983 jyly týǵan bir jumysshy qaıtys boldy. Al 1999 jyly týǵan taǵy bir jumysshy túrli jaraqatpen Uıǵyr aýdanynyń ortalyq aýrýhanasyna jetkizildi.




«Tsehtyń aýdany 200 sharshy metrdi quraıdy. Apat ornynyń kólemi - 25 sharshy metr. Tsehtyń tóbesi shatyr túrinde jasalǵan, bir qabatty, profıldi jabyndymen jabylǵan, qabyrǵalary splıterlik blok. Aldyn ala boljam boıynsha apatty jaǵdaı óndiris tehnologııasynyń buzylýy saldarynan oryn alǵan», - dedi Talǵat Ýálı.





Joǵary qaraı