Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda dári-dármekti qymbatqa satý faktilerin qaıda habarlaýǵa bolady

2020 jyldyń 25 shilde 2020 10:03

TALDYQORǴAN. QazAqparat - Prokýratýra Almaty oblysynda zańsyz dári-dármek satý, baǵasyn kóterý jaǵdaıyna kýá bolsańyz, qaıda habarlasýǵa bolatynyn eske saldy, dep habarlaıdy QazAqparat tilshisi.

Almaty oblysy prokýratýrasynyń bergen málimetine sáıkes, dárilik preparattardy zańsyz alyp-satý, joǵary baǵada ótkizý derekteri boıynsha jumys jalǵasýda.

Almaty oblysynyń aýmaǵynda quqyq qorǵaý jáne memlekettik organdarynan qurylǵan mobıldi top búgingi tańda dárilik preparatty zańsyz alyp-satýdyń 110 deregin anyqtady. Atalǵan derekter boıynsha 37 dárihana ıesi ákimshilik jaýapkershilikke tartyldy.

Oblys prokýratýrasynyń úılestirýimen quqyq qorǵaý organdary azamattardyń medıtsınalyq preparattardy zańsyz satýynyń 10 deregin anyqtady.

Qazirgi tańda zańsyz aınalymnan shyǵarylǵan quny 13,2 mln tenge bolatyn dárilik preparattar oblystyq densaýlyq basqarmasyna ótkizildi.

Osy saladaǵy zańbuzýshylyqty ýaqtyly anyqtap, shara qoldaný maqsatynda baılanys ortalyqtary qurylǵan. Taýarlar men kórsetiletin qyzmetter qaýipsizdigin baqylaý komıtetiniń 109 jəne 1439 nómirlerine nemese tómendegi telefondarǵa habarlasýǵa bolady:

- Almaty oblysy boıynsha taýarlar men kórsetiletin qyzmetter qaýipsizdigin baqylaý departamenti - 8 7282 60 11 69, 8 7282 60 11 80;

- Almaty oblysy boıynsha ekonomıkalyq tergeý departamenti - 8 7272 517 106;

- Almaty oblysy boıynsha polıtsııa departamenti - 8 7282 608 007, nemese 102.

Sonymen qatar ýəkiletti organ tarapynan shara qabyldamaý faktileri boıynsha Almaty oblysynyń prokýratýrasyna 8 7282 24 17 80 telefonyna habarlaýǵa bolady.


Joǵary qaraı