Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda destrýktıvti dinı baǵytty ustanýy múmkin degen kúdiktiler ustaldy

2022 jyldyń 14 qańtar 2022 23:09

NUR-SULTAN. QazAqparat – Destrýktıvti dinı baǵytty ustanýy múmkin QR eki azamat ustaldy. Bul týraly QazAqparat Ulttyq qaýipsizdik komıtetine silteme jasap habarlaıdy.

Ulttyq qaýipsizdik komıteti ShQ Almaty oblysy boıynsha departamenti 5 -6 qańtar aralyǵynda Úshbulaq aýylynyń mańynan zańsyz aktsııalarǵa qatysy bar degen kúdikpen destrýktıvti dinı baǵytty ustanýy múmkin QR eki azamatyn qolǵa túsirdi. Olardan dinı ádebıetter tabylyp, qazirgi ýaqytta ustalǵandardyń ekstremıstik dinı uıymdarǵa qatystylyǵy tekserilýde.

Úlken Almaty kóliniń mańynda jeke bastaryn kýálandyratyn qujattary joq «Toıota» markaly avtokóligin mingen 5 azamat ustaldy. Avtokólikti tekserý barysynda: 7 oǵy bar 12 kalıbrli vınchester, 1 oǵy bar travmatıkalyq tapansha, qan juqqan pyshaq jáne 600 000 teńge aqshalaı qarajat tabyldy. Olardyń Almaty qalasyndaǵy jappaı tártipsizdikterge jáne qarý-jaraq dúkenin tonaýǵa qatystary barlyǵy anyqtaldy.

Sondaı-aq Kishi Dehan eldi mekeninde Almaty qalasyndaǵy tártipsizdikterge qatysqan 19 adam anyqtaldy. Jedel top ustalǵandarmen suraý jumystaryn júrgizýde.

7 qańtarda QR QK bólimshelerimen birlesip, Almaty jáne Taldyqorǵan qalalaryndaǵy qoǵamǵa qarsy aktsııalarǵa qatysy bolýy múmkin 184, sondaı-aq Memlekettik shekarany qorǵaý salasyndaǵy QR zańnamasyn buzýshy 41 adam ustaldy. 13 birlik atys qarýy, 185 birlik oq-dári, 8 uıaly telefon, 900 myń teńgege jýyq aqsha qarajaty jáne 100 myń AQSh dollary tárkilendi. Urlanǵan 1 avtokólik ustaldy.


13 qańtarda tártipsizdikterge qatysy bar degen kúdikpen QR 26 azamaty, sondaı-aq qarýdy zańsyz saqtaǵany úshin QR 5 azamaty anyqtalyp, ustaldy. 6 birlik atys qarýy tárkilendi.

Shekara qyzmetiniń bólimsheleri turaqty jaýyngerlik ázirlikte jáne shekara kúzeti kúsheıtilgen rejımde júzege asyrylýda.


Joǵary qaraı