Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda karantın kúsheıip, 65 jastan asqan kisilerdiń kóshege shyǵýyna tyıym salyndy

2020 jyldyń 17 qazan 2020 13:46

TALDYQORǴAN. QazAqparat - Almaty oblysynda karantın qatańdatylyp, birqatar shekteý sharalary qabyldandy, dep habarlaıdy QazAqparat.

Búgin Almaty oblysynyń bas sanıtar dárigeri Erǵalı Sydymanov karantındi kúsheıtý jónindegi jańa qaýlyǵa qol qoıdy. Bul qujat 19 qazan tańǵy saǵat 07.00-den bastap kúshine enedi.

Atap aıtqanda, túngi klýb, bar, kınoteatr, karaoke, bılıard, attraktsıondar, ınternet klýby, antıkafe, batýt, balalar alańdary, tolymdylyǵy 50 adamnan asatyn meıramhanalar men banket zaldarynyń jumysyna tyıym salyndy.

Qyzmetkerlerdiń kem degende 50 paıyzy qashyqtan jumys isteýge tıis.

Bir otbasy múshesi bolmasa, jalpy úsh adamnan artyq toptasyp júrýge bolmaıdy.

«Qazposhta» bólimsheleri, halyqqa qyzmet kórsetý ortalyqtary men bankter tańǵy 9.00-den keshki 18.00 deıin jumys isteıdi.

Sonymen qatar, jasy 65-ten asqan kisilerdiń syrtqa shyǵýyna shekteý qoıylady.

Qaýlynyń tolyq mátinimen myna siltemede tanysa alasyzdar.


Joǵary qaraı