Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda karantınge baılanysty oqýshylarǵa bilim berý tártibi ózgertildi

2021 jyldyń 16 sáýir 2021 20:50

TALDYQORǴAN. QazAqparat - Almaty oblysynda karantınge baılanysty oqýshylarǵa bilim berý tártibi ózgertildi, dep habarlaıdy QazAqparat tilshisi.

«Menshiktiń barlyq nysanyndaǵy orta bilim berý obektileriniń oqýshylaryn dástúrli formatta oqytýdy toqtata turý jáne oqytýdy qashyqtyqtan (onlaın) rejımge kóshirý. Internet baılanysy jumys istemeıtin nemese úzilispen jumys isteıtin shalǵaı eldi mekenderde synyptardy 25 adamnan aspaıtyn jınaqtaýmen, maskalyq rejımdi jáne áleýmettik qashyqtyqty saqtaı otyryp, dástúrli formatta oqytýǵa ruqsat etiledi», - delingen Almaty oblysynyń Bas memlekettik sanıtarııalyq dárigeri Erǵalı Sydymanovtyń sońǵy qaýlysynda.

Osy qaýly 2021 jyldyń 19 sáýirinen bastap kúshine enedi.

«Sondaı-aq, úı-jaıda 15 adamnan aspaıtyndaı toltyrýmen, shahmat tártibimen otyrǵyzýmen, maskalyq rejımdi jáne keminde 2 metr áleýmettik qashyqtyqty saqtaı otyryp, orta bilim berý obektileri oqýshylarynyń bilimin baǵalaý boıynsha respýblıkalyq olımpıadalardy ótkizýge ruqsat berilgen. Bul rette úı-jaılardy adamdardyń qatysýymen paıdalanýǵa ruqsat etilgen aýany zararsyzdandyrýǵa arnalǵan aspaptarmen (retsırkýlıatorlar, ekrandalǵan bakterıtsıdti sáýlelegishter) jabdyqtaý usynylady», - dep atap ótedi vedomstvonyń baspasóz qyzmeti.


Joǵary qaraı