Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda kásipker aýdandyq aýrýhanaǵa 15 ottegi kontsentratoryn syıǵa tartty

2020 jyldyń 25 shilde 2020 23:28

TALDYQORǴAN. QazAqparat - Búgin Almaty oblysyndaǵy Kerbulaq aýdanda kásipkeri aýdandyq ortalyq aýrýhanaǵa 15 ottegi kontsentratoryn syıǵa tartty, dep habarlaıdy QazAqparat tilshisi.

Demeýshi óziniń esimin jasyryn qaldyrýdy surady. Onyń aıtýynsha taıaýda taǵy da 5 apparat jetkizilmek.

«Búgingi tańda Kerbulaq aýdanynda koronavırýs ınfektsııasyn juqtyrǵan 67 adam tirkeldi. Onyń 17-si sımptomdy. Olar oblystyq operatıvti shtab bekitken aımaqqa em qabyldaýǵa jiberildi. Al aýdandyq aýrýhanada 55 naýqas pnevmonııadan emdelip jatyr, onyń 5-i jansaqtaý bóliminde. Sondyqtan ottegi kontsentratory bizge óte qajet bolatyn. Qurylǵynyń múmkindigi zor. Atalǵan apparattardy bir táýlikte jetkizip, kómek kórsetken demeýshige aýdan turǵyndary atynan jáne dárigerler atynan aıtar alǵysymyz sheksiz. Endi dárigerler emdelýshilerge ottegi kontsentratorynyń kómegimen ýaqytyly járdem kórsete alady», - dedi Kerbulaq ortalyq aýdandyq aýrýhananyń dırektory Qaırat Erjanov.

Aıta keteıik, aýdandyq aýrýhanada alǵashynda 35 provızorlyq, 35 observatsııalyq oryn bolǵan, qazir bul 90 orynǵa deıin kóbeıtildi. Іndetpen kúreske 100-ge jýyq medıtsına qyzmetkeri jumyldyryldy.

Jalpy maýsym, shilde aıynda 202 naýqas tirkeldi. Qazir olardyń 142-si emdelip shyqty. Al 55-i arnaıy em qabyldap júr.

Joǵary qaraı