Almaty oblysynda kásipker túrmege 32 telefon ótkizbek boldy
TALDYQORǴAN. QazAqparat – Almaty oblysynda túrme aýmaǵynda jumys isteıtin kásiporyn mekemege 32 telefondy jasyryn kirgizbek boldy, dep habarlaıdy QazAqparat tilshisi.
«Getsener O.V.» jeke kásipkerligi – Qapshaǵaıdaǵy LA-155/14 qaýipsizdigi ortasha mekemesiniń aýmaǵynda jumys isteıdi, sottalǵandardy jumys oryndarymen qamtamasyz etýde.
Atalmysh jeke kásápkerlikke arnalǵan qurylys materıaldaryn jetkizý kezinde kásipker aǵash buıymdardyń arasyna tyıym salynǵan zattardy tyǵyp, olardy sottalǵandarǵa ótkizbek boldy. Alaıda, rejım bóliminiń tekserý tobynyń jedel ýákili Azat Sydyqovtyń qyraǵylyǵynyń arqasynda jáne «Lornet» metall izdegishiniń kómegimen tekserý kezinde 32 uıaly telefon, 30 qýattaǵysh jáne 16 qulaqqap tabyldy.
«Atalǵan fakti boıynsha mekemege protsessýaldyq sheshim qabyldaý úshin Qapshaǵaı qalasynyń jedel-tergeý toby shaqyrtyldy», - dep atap ótti mekeme bastyǵy Rýslan Ǵabıbov.
