Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda kólik apatynan 7 adam mert boldy

2021 jyldyń 19 maýsym 2021 23:33

TALDYQORǴAN. QazAqparat - Almaty oblysynda kólik apatynan 7 adam mert boldy. Jantúrshigerlik jaǵdaı «Almaty-Kókpek-Kóktal» tasjolynda bolǵan, - dep habarlaıdy QazAqparat tilshisi.

«19 maýsym kúni saǵat 18:45 shamasynda «Almaty-Kókpek-Kóktal» tasjolynyń 134-shaqyrymynda jol kólik apaty boldy. Baıseıit aýylynyń mańynda «Toyota Rav-4» jáne «Audi C4» kólikteri soqtyǵysqan. Saldarynan eki kóliktiń de júrgizýshisi jáne úsh jolaýshysy oqıǵa ornynda jan tapsyrdy. Taǵy eki adam Shelek aýylyndaǵy aýrýhanada kóz jumdy. Qaza bolǵandar arasynda 16, 13, 8 jastaǵy balalar men 4 aılyq sábı bar. Taǵy úsh jolaýshy túrli dene jaraqatymen aýrýhanaǵa tústi. Qazir atalǵan fakti boıynsha QR QK 345-babynyń 4-bóligi boıynsha sotqa deıingi tergeý bastaldy. Kólik apatyna ne sebep bolǵany tergeý barysynda anyqtalady», delingen Almaty oblystyq polıtsııa departamentiniń baspasóz qyzmeti resmı bergen habarlamasynda.


Avtor Samal Qabysheva
Basty sózder: Oqıǵa, Kólik, Almaty oblysy,
Joǵary qaraı