Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda kommýnaldyq qyzmetterdiń baǵasyn kóterýge moratorıı engizildi

2022 jyldyń 24 qańtar 2022 18:58

ALMATY OBLYSY. QazAqparat - Tabıǵı monopolııalardy retteý komıtetiniń Almaty oblysy boıynsha departamenti 2022 jyldyń 1 shildesine deıin halyqqa arnalǵan kommýnaldyq qyzmetterge tarıfter men baǵalardy kóterýge moratorıı engizdi.

Bul týraly «Jetisy' Media» aqparattyq alańynda ótken brıfıng barysynda belgili boldy, dep habarlaıdy QazAqparat tilshisi.

Osylaısha, tabıǵı monopolııa sýbektileri men qoǵamdyq mańyzy bar naryqtar sýbektileriniń halyq úshin barlyq tarıfteri 2021 jylǵy jeltoqsan deńgeıinde qaldy. «Taldyqorǵanteploservıs» MKK jylý – 2657,23 tg/Gkal, ystyq sý – 172,30 tg/kýbometr. «Jetisý Sý Arnasy» MKK sý – 61,33 tg/tekshe metr, káriz – 65,26 tg/tekshe metr. «Jetysý Energotreıd» JShS - 17,11 tg/kVts. «TMS tarıfteri halyq úshin asyp ketken jaǵdaıda QR ÁQBtK - niń 164-babynyń 4-bóligine sáıkes ákimshilik jaýapkershilik kózdeledi», - dep atap ótti QR Ulttyq ekonomıka mınıstrligi Tabıǵı monopolııalardy retteý komıteti departamenti basshysynyń orynbasary Dýman Qalıbekov.

Sondaı-aq, Komıtettiń tapsyrmasy boıynsha, departament «Atameken» kásipkerler palatasymen birlesip, jappaı tártipsizdikterden zardap shekken bıznes sýbektilerine 2022 jylǵy 1 sáýirge deıingi merzimge kommýnaldyq tólemderdi tóleý merzimin keıinge qaldyrý jáne ósimpuldy eseptemeý máselesin pysyqtady. Sonymen qatar, memleket munaı ónimderin bólshek saýdada ótkizýge shekti baǵalardy belgiledi: AI markaly benzın-lıtrine 80 – 89 teńge, Aı-92/93 – lıtrine 182 teńge, AI-95 – lıtrine 215 teńge jáne dızel otyny (jazǵy, maýsymaralyq) – lıtrine 230 teńge.


Basty sózder: Almaty oblysy, Qoǵam,
Joǵary qaraı