Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda mádenıet úıi paıdalanýǵa berildi

2021 jyldyń 2 jeltoqsan 2021 04:39

TALDYQORǴAN. QazAqparat - Tuńǵysh Prezıdent kúninde Almaty oblysynyń Jambyl aýdanyna qarasty Úńgirtas aýylynda mádenıet úıi paıdalanýǵa berildi, - dep habarlaıdy QazAqparat tilshisi.

Saltanatty sharaǵa Jambyl aýdanynyń ákimi Nurlan Ertas jáne aýdan jurtshylyǵy qatysty.

«Barshańyzdy Tuńǵysh Prezıdent kúnimen jáne Táýelsizdiktiń 30 jyldyǵymen quttyqtaımyn. Osy mereke kúni biz Úńgirtas aýylynda

rekanstrýktsııalyq jóndeýden ótken mádenıet úıin iske qostyq. Munda aýyldyń túrli mádenı sharalary ótedi. Nysan jastardyń mádenı tárbıesine mańyzdy úles qosady dep oılaımyn», - dedi aýdan basshysy.

Aýyl turǵyndaryn qýanyshty sátimen Jambyl aýdanynyń Qurmetti azamaty Áskerbek Abaev pen «Ardagerler» uıymynyń tóraǵasy Batyrhan Mendebaev ta quttyqtady.

Úńgirtas aýylynyń Aqsaqaldar keńesiniń tóraǵasy Asanqul Tólequlov aq batasyn berdi.

Qaıta jóndeýden ótken mádenıet úıinde ornalasqan kitaphanaǵa estelik syılyq retinde Jambyl Jabaevtyń ómiri men shyǵarmashylyǵy týraly kitaptar, Elbasynyń ómir joly týraly jınaqtar tabys etildi.

Sharanyń sońy «Súıinbaı sazy» halyqtyq folklorlyq-etnografııalyq ansambliniń merekelik kontsertimen jalǵasty.

Úńgirtas mádenıet úıiniń ǵımaraty 1957 jyly salynǵan. 2019 jyldan bastap qaıta jóndeý jumystary bastaldy. Qurylys jumystaryn «Ómirzaq»JShS júrgizdi. Ǵımarattyń jalpy aýdany 698,5 sharshy metrdi quraıdy, 200 oryndyq kórermen zaly bar.

«Mádenıet úıne jóndeý jumystaryn júrgizý úshin 251 574 000 teńge jumsaldy. Jańartylǵan nysan barlyq qajetti qural-jabdyqtarmen qamtamasyz etilip, onyń tabysty jumys isteýine tolyq jaǵdaı jasalǵan»,- delingen Jambyl aýdany ákiminiń baspasóz qyzmeti taratqan aqparatta.


Avtor Samal Qabysheva
Basty sózder: Almaty oblysy, Mádenıet,
Joǵary qaraı