Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda ógeı ákesin pyshaqtap, qashyp ketken jigit ustaldy

2020 jyldyń 22 shilde 2020 16:36

TALDYQORǴAN. QazAqparat - Almaty oblysynda polıtseıler ógeı ákesin óltirmek bolǵan er adamdy ustady, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, ógeı áke men bala arasyndaǵy túsinispeýshilik buǵan deıin de bolǵan. Al birge ishken ishimdiktiń sońy qaıǵyly jaǵdaıǵa ákep soqqan.

Almaty oblysy Talǵar aýdanynyń polıtseıleri adam óltirýge oqtalý deregin izin sýytpaı ashty. Іske qatysy bar degen kúdikpen 29 jastaǵy jas jigit ustaldy. Ol masań kúıde ógeı ákesine pyshaq ala júgirgen.

«Birge ishimdik ishkennen keıin jigit ógeı ákesine pyshaqpen dene jaraqatyn salǵan. Bul qylmystyq áreket 21 shildege qaraǵan túni saǵat 01.30-da Talǵar aýdanynyń Gúldala aýylynda bolǵan. Polıtsııaǵa oqıǵa bolǵan úıdegi aıǵaı-shýǵa alańdaǵan kórshileri habarlasqan», - deıdi Talǵar aýdandyq polıtsııa basqarmasynyń bastyǵy, polıtsııa polkovnıgi Erlan Qasym.

Tergeý barysynda birqatar jáıt anyqtaldy. Sol túni ekeýi úı aýlasynda birge ishimdik iship, sodan keıin arada janjal bolǵan. M. esimdi azamat qolyna pyshaq alyp, aldymen qarsylasynyń moıyn tusyna jaraqat salǵan. Sodan keıin qasha jónelgen ógeı ákesiniń arqasyna taǵy da birneshe márte soqqy jasap úlgergen.

«54 jastaǵy K. esimdi azamatty dárigerler pyshaq jaraqatymen jaqyn mańdaǵy aýrýhanaǵa jatqyzdy. Al, kúdikti jedel boı tasalaýǵa tyrysqan. Alaıda, ol jazadan jaltaryp kete almady. Bir táýlik ishinde tájirıbeli iz kesýshiler kúdiktini taýyp, ustady. Qazir kúdikti jigit qamaýǵa alynǵan», - deıdi polkovnık.

Atalǵan qylmys QR QK 24-babynyń 3-bóligine sáıkes qylmysqa oqtalý retinde saralandy. Osy fakti boıynsha sotqa deıingi tergeý júrip jatyr.


Avtor Samal Qabysheva
Basty sózder: Oqıǵa, Almaty oblysy, Zań,
Joǵary qaraı