Aýa raıy
Astana 11 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Almaty oblysynda oqýshy mektepte kóz jumdy

2019 jyldyń 12 qarasha 2019 21:23

TEKELІ. QazAqparat – Almaty oblysynda 2-synyp oqýshysy mektepte kóz jumdy. Qaıǵyly jaǵdaı Tekeli qalasyndaǵy №4 mektepte bolǵan, dep habarlaıdy QazAqparat tilshisi.

«2-synyp oqýshysy birinshi sabaq bitkennen keıin úziliste, asyǵys shyǵyp baspaldaqpen ashana jaqqa bettegen. Jaǵdaıdyń qalaı bolǵanyn eshkim kórmegen. Muǵalimder shyqqan kezde, bala qulap jatqan»,- deıdi Tekeli qalasyndaǵy №4 orta mektep dırektorynyń tárbıe isi jónindegi orynbasary Áıgerim Beksultanova.

Dırektor orynbasarynyń sózinshe, bala 15 mınýttyń ishinde kóz jumǵan. Biraq denesinde eshqandaı jaraqat belgileri bolmapty.

8 jastaǵy oqýshy naqty baspaldaqtan qulady ma, álde qazasyna basqa da sebep boldy ma ol jaǵy belgisiz. Sebebi, bilim ordasynyń basshylyǵy bala kámpıtke shashalyp qalýy múmkin degendi de aıtyp otyr. Óıtkeni oqýshyǵa alǵashqy medıtsınalyq kómek kórsetkende onyń aýzynan shokoladtyń qaldyqtary shyǵypty.

Almaty oblystyq Polıtsııa departamenti baspasóz qyzmetiniń málimetinshe, mektepte kóz jumǵan oqýshyǵa qatysty qylmystyq is qozǵalmaǵan. Atalǵan fakti oqys oqıǵa retinde tirkelipti.

Avtor Samal Qabysheva
Basty sózder: Almaty oblysy, Oqıǵa,
Joǵary qaraı