Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda túıe sútin óńdeıtin zaýyt iske qosyldy

2021 jyldyń 1 jeltoqsan 2021 18:41

TALDYQORǴAN. QazAqparat - Tuńǵysh Prezıdent kúninde Almaty oblysynda qurǵaq túıe sútin óndiretin jańa zaýyt iske qosyldy, dep habarlaıdy QazAqparat tilshisi.

Nysan Іle aýdanynyń Aqshı aýylynda ashyldy. Saltanatty sharaǵa Іle aýdanynyń ákimi Baǵdat Qarasaev, Almaty oblystyq aýylsharýashylyq basqarmasy basshysynyń mindetin atqarýshy Qoıýmshan Omarov qatysty.

Taýarly-sút fermasy túıe sútin qazirgi zaman talabyna saı óńdep, Qazaqstan aýmaǵynda ǵana emes, ózge memleketterge eksportqa shyǵarýda. Jańa zaýyttyń joba quny - 1 mlrd teńge. Aýylda 25 jańa jumys orny ashylady. Zaýyt aıyna 30 tonna untaq sút daıyndaýǵa qaýqarly», delingen Іle aýdany ákiminiń baspasóz qyzmetiniń málimetinde.

Sondaı-aq zaýyt óziniń tolyq tsıkldy qamtýymen erekshelenedi. ıAǵnı túıe súti bir jerde saýylyp, óńdelip naryqqa jáne eksportqa shyǵarylady.

Búginde fermada 5 myńnan astam qos órkeshti túıe jáne arýana (bir órkeshti) bar, keleshekte onyń sanyn 15 myńǵa jetkizý josparlanǵan.

Aıta keteıik, atalǵan zaýytta kúnine ortasha eseppen 5-7 myń lıtr shubat ázirlenedi.
























Joǵary qaraı