Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda Jambyl men Muqaǵalı Maqataev mereıtoılary qalaı ótip jatyr

2021 jyldyń 27 mamyr 2021 17:33

NUR-SULTAN. QazAqparat – Almaty oblysynyń ákimi Amandyq Batalov Jambyl Jabaev pen Muqaǵalı Maqataevtyń mereıtoılary qalaı atalyp ótetinin aıtyp berdi, dep habarlaıdy QazAqparat.

«Jambyl atamyzdyń mereıtoıyna ótken jyldan bastap daıyndaldyq. Eń birinshi onyń jatqan jeri, mavzoleıi, mýzeıi jáne alańyn abattandyrýǵa qarjy bólip, qalpyna keltirildi. Ol jerge kóp adam barady, taǵzym jasaıdy. Sondyqtan, osy jumystardy aıaqtadyq. Jambyl atamyzdyń 30 tomdyq kitabyn shyǵarýǵa daıyndalyp jatyrmyz, oǵan qarajat bólindi. Ýálıhan Qaıyrjan degen jazýshynyń usynysymen «Jambyl» kitaby shyǵaryldy. Odan basqa, Jambyl týraly spektaklder qoıylyp, «Jetisý» telearnasynda arnaıy baǵdarlamalar kórsetilip jatyr», - dep jaýap berdi A. Batalov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda tilshi suraǵyna.

Óńir ákimi Muqaǵalı Maqataevtyń 80 jyldyq toıynda birqatar jumys atqarylǵanyn atap ótti. Bıylǵy 90 jyldyǵyna da Qarasaz aýylynyń jolyn, Mádenıet úıin, aqyn mýzeıin qalpyna keltirip, óner mektebin ashý usynysy qolǵa alynǵan.

«Ózderińiz biletindeı, Raıymbek aýdany ashylyp, Narynqol aýyly ortalyq atandy. Sol jerde halyqpen kezdeskende úlken kisiler Narynqoldyń dál ortasyna saıabaq jasap, Muqaǵalı Maqataevtyń eskertkishin qoıý týraly usynys jasady. Qazir saıabaq jerin aldyq, 2-3 úıdi satyp alyp, basqa jaqqa kóshirdik. Kúzge qaraı aqyn eskertkishi ornatylady, saıabaq ashylady. M. Maqataevtyń da kitaby shyǵarylyp, aqyndarmen kezdesý sharalary ótip jatyr», - dedi A. Batalov.

Aıta keteıik, bıyl Qazaqstanda Jambyl Jabaevtyń 175 jyldyq jáne Muqaǵalı (Muhamedqalı) Maqataevtyń 90 jyldyq mereıtoılary toılanyp jatyr.



Joǵary qaraı