Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda jańa shekteý sharalary engizildi

2021 jyldyń 23 shilde 2021 20:24

TALDYQORǴAN. QazAqparat – Almaty oblysynyń Bas memlekettik sanıtar dárigeri karantındi kúsheıtý týraly jańa qaýlyǵa qol qoıdy, dep habarlaıdy QazAqparat tilshisi.

Qujatta QR-da jáne Almaty oblysynda epıdemıologııalyq ahýaldyń nasharlaýyna baılanysty 26 shildeden bastap jańa shekteý sharalary engizilgeni jazylǵan. Olar:

1) «Ashyq» jobasyna qatysýyna qaramastan, senbi jáne jeksenbi kúnderi kelesi qyzmetterge tyıym salynady:

- qoǵamdyq kólikterdiń qyzmetterine;

- COSO, saýda úıleri, saýda jelileriniń;

- sport obektileri (sport keshenderi, sport mektepteri,sport klýbtary, jattyǵý zaldary);

- qoǵamdyq tamaqtaný obektileri, fýdkorttardyń (tamaq jetkizýge ruqsat etiledi);

- fıtness-ortalyqtardyń, fıtness-klýbtardyń, ıoga-ortalyqtarynyń, sporttyq-saýyqtyrý obektileriniń, saýnalardyń, monshalardyń, SPA ortalyqtarynyń, basseınderdiń;

- kınoteatrlardyń, teatrlardyń, kontsert zaldardyń, fılarmonııalardyń, tsırkterdiń;

- alańy 1000 sharshy metrden asatyn azyq-túlik emes taýarlardy ótkizý jónindegi obektilerdiń, ashyq jáne jabyq bazarlardyń;

- kompıýter klýbtarynyń, boýlıngterdiń, bılıard zaldarynyń, karaoke, túngi klýbtardyń;

- bilim berý ortalyqtarynyń, balalarǵa jáne úlkenderge arnalǵan úıirmelerdiń, balalardy damytý ortalyqtarynyń, balalardyń kóńil kóterý ortalyqtarynyń;

- bankterdiń, HQKO-lardyń, Qazposhta bólimsheleriniń;

- dinı obektilerdiń qyzmetterine tyıym salynady.

2) jumys kúnderi qoıylatyn shekteýler:

- «Ashyq» jobasyna qatysatyn qoǵamdyq tamaqtaný obektileri, fýdkorttar saǵat 20:00-ge deıin, «Ashyq» jobasyna qatyspaıtyndar saǵat 17:00-ge deıin;

-«Ashyq» jobasyna qatysatyn fıtnes-ortalyqtar, fıtnes-klýbtar, ıoga- ortalyqtar, sporttyq-saýyqtyrý obektileri, saýnalar, SPA - ortalyqtar, sport obektileri, basseınder saǵat 20:00-ge deıin, «Ashyq»-qa qatyspaıtyndar saǵat 17:00-ge deıin shekteý qoıylady.

Sondaı-aq «Ashyq» jobasyna qatysýyna qaramastan ashyq jáne jabyq jaǵajaılar, akvaparkter men attarktsıondardyń qyzmeti toqtatylady.

Qaýlynyń tolyq mátinimen myna jerde tanysýǵa bolady.


Joǵary qaraı