Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda jappaı ereýilge qatysy bar degen kúdikpen 700 adam ustaldy

2022 jyldyń 12 qańtar 2022 16:38

TALDYQORǴAN. QazAqparat - Almaty oblysynyń polıtseıleri jappaı tártipsizdik pen buzaqylyqtarǵa qatysy bar degen kúdikpen 700-den astam adamdy ustady, dep habarlaıdy QazAqparat tilshisi.

Almaty oblysynyń bas polıtseıi, polıtsııa general-maıory Serik Kýdebaev oblysymyzdyń aýmaǵynda jappaı tártipsizdiktiń, dúnıe-múlikti qıratý men tonaý oryn alǵanyn aıtyp, qylmystyq áreketterge qatysy bar adamdardyń anyqtalyp jatqanyn jetkizdi.

«Jappaı tártipsizdikke jáne dúnıe-múlikti tonaý qylmystaryna qatysy bar degen kúdikpen jeti júzden astam adam polıtsııa organdaryna jetkizildi. Onyń 62-si ýaqytsha ustaý ızolıatoryna qamaqqa alyndy. Derek boıynsha 65 qylmystyq is qozǵaldy. Arnaıy operatsııa barysynda qylmyskerderden júzge jýyq atys qarýy tárkilendi. Osy baǵyttaǵy maqsatty jumys odan ári jalǵasyp jatyr»,- dedi oblystyq PD bastyǵy Serik Kýdebaev.

Esterińizge sala keteıik, qańtar aıynyń basynda radıkaldy kúshter elimizdegi jaǵdaıdy turaqsyzdandyrýǵa tyrysqan.

Almaty oblysynyń ortalyǵy Taldyqorǵan qalasyndaǵy keıbir dúkender tonalyp, ákimshilik ǵımarattar búlingen.

Quqyqtyq tártipti qamtamasyz etý boıynsha qyzmettik boryshyn atqarý kezinde polıtseıler men ulttyq gvardııanyń áskerı qyzmetshisi qaza tapty.

«Oblystyq polıtsııa departamenti men Taldyqorǵan qalalyq polıtsııa basqarmasy qyzmetkerleriniń 80 paıyzǵa jýyǵy ártúrli dene jaraqatyn aldy. Olardyń bári óz ómirin qaterge tigip, qasıetti antyna adal ekenin dáleldep, el tynyshtyǵyn qorǵaýda tabandylyq pen erlik minez tanytty»,- dep tolyqtyrdy general-maıor S. Kýdebaev.

Qazirgi ýaqytta oblystaǵy jaǵdaıdy polıtseıler men áskerıler tolyq baqylaýǵa alǵan.

Taldyqorǵan qalasynyń jan-jaǵyna 4 blokpost, al qala ishine birneshe jerge blokbeketter qoıylǵan.

Ol jerlerde polıtseıler men áskerı qyzmetshiler táýlik boıy kezekshilik atqarýda.

Polıtsııa basshysynyń aqparatyna sáıkes, oblys ortalyǵynyń kóshelerinde 35 polıtsııa kóligi úzdiksiz avtopatrýldeıdi.

Kúndiz tártip saqshylary men Ulttyq ulan sarbazdarynan qurylǵan 20 jasaq jaıaý patrýldep júr.


Joǵary qaraı