Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda jas otbasylarǵa úı beriledi

2022 jyldyń 18 mamyr 2022 21:56

TALDYQORǴAN. QazAqparat - Almaty oblysynda jas otbasylarǵa úı beriledi. Osy maqsatqa 1 mlrd teńge qarjy bólindi, - dep habarlaıdy QazAqparat tilshisi.

Búgin bul másele din, til, etnosaralyq qatynastar, ishki jáne jastar saıasaty máseleleri jónindegi turaqty komıssııanyń otyrysynda qaraldy. Bul komıssııaǵa Almaty oblystyq máslıhat depýtattary múshe.

«Bul baǵdarlamaǵa tek Almaty oblysynyń jas otbasylary ǵana qatysady. Olar osy óńirde jumys isteýi tıis. Bul baǵdarlama bıyl tamyz aıynda júzege asady dep josparlap otyrmyz. 1 mlrd teńge qarjy bólindi. 100 otbasyn baspanamen qamtysaq degen úmitimiz bar. Baǵdarlamaǵa 35 jasqa deıingi (35 jasty qosa alǵanda) jastar qatysa alady. Otbasyn qurǵan bolýy tıis. Tolyq emes otbasylar da atalǵan baǵdarlamaǵa qatysa alady»,- dedi Almaty oblystyq ishki saıasat basqarmasy basshysynyń orynbasary Eldar Saparov.

Baspanaǵa qarajat 5%-ben, 25 jylǵa deıin beriledi dep josparlanýda. Ár jas otbasy úıli bolýy úshin 10 mln teńge deıin qarajat beriledi. Eskerte ketetin jaıt, osy jobaǵa nıetti jas otbasylardyń basynda baspanasy bolmaýy tıis.


Joǵary qaraı