Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda jaıaý adamdy qaǵyp, oqıǵa ornynan qashyp ketken júrgizýshi ustaldy

2020 jyldyń 16 qazan 2020 06:30

TALDYQORǴAN. QazAqparat - Almaty oblysynda jaıaý júrginshini qaǵyp, oqıǵa ornynan qashyp ketken «Lada» kóliginiń júrgizýshisi ustaldy, - dep habarlaıdy QazAqparat tilshisi.

Almaty oblystyq Polıtsııa Departamenti baspasóz qyzmetiniń málimetinshe, Almaty-Óskemen avtojolynyń 231 shaqyrymynda 10-qazan kúni saǵat 23:40 shamasynda Kerbulaq aýdanynyń 41 jastaǵy turǵynyn belgisiz kólik qaǵyp ketken. JKO nátıjesinde zardap shegýshi oqıǵa ornynda esin jımastan qaza tapty.

«Jedel-izdestirý jumystarynyń nátıjesinde apat ornynan qashyp ketken ońtústik astananyń 46 jastaǵy turǵyny bolyp tabylatyn júrgizýshi Almaty qalasynan anyqtalyp, ustaldy. Onyń jeke úıiniń aýlasynan jaıaý júrginshini qaǵyp ketýge tán izderi bar Vaz 21102 avtokóligi tabyldy. Dáleldemelerden keıin kúdikti adam qaqqanyn moıyndady. Ol óziniń oqıǵa ornynan qashyp ketýin qorqynysh saldarynan dep túsindirdi. Ol ózin eshkim taba almaıdy dep oılaǵan, sebebi jol apaty túnde bolyp,ol jaqyn mańnan ózge adamdardy kórmegen»,- dedi Kóksý aýdanynyń PB bastyǵy polıtsııa podpolkovnıgi Ramıl Gımadıev.

Aýdandyq krımınaldyq polıtsııa bólimshesiniń qyzmetkerleri kóliktiń qırandylary boıynsha jasyrynbaq bolǵan kúdiktini tez taýyp, ustady. Іs boıynsha qajetti saraptamalar taǵaıyndalyp, avtokólik sot sheshimine deıin arnaıy turaqqa qoıyldy. Saraptamalyq qorytyndylar alynǵannan keıin bultartpaý sharasyn tańdaý týraly másele sheshiletin bolady. Atalǵan derek boıynsha QR QK 345-babynyń 3-bóligi jáne 347-babynyń 1-bóligi («Abaısyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy», «Jol-kólik oqıǵasy bolǵan jerden ketip qalý») negizinde sotqa deıingi tergeý amaldary júrgizilýde.

Avtor Samal Qabysheva
Basty sózder: Almaty oblysy, Oqıǵa, Kólik,
Joǵary qaraı