Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda jomart jandar bes balasy bar jalǵyzbasty anaǵa baspana syılady

2020 jyldyń 30 shilde 2020 15:19

TALDYQORǴAN. QazAqparat - Almaty oblysynyńAlakól aýdanynda bes balasy bar jalǵyzbasty ana baspanaly boldy, dep habarlaıdy QazAqparat tilshisi.

Alakól aýdany ákiminiń baspasóz qyzmetiniń bergen aqparatyna sáıkes, «Dıana» qaıyrymdylyq qory Qurban aıt merekesi qarsańynda Aqtúbek aýylynyń turǵyny, kópbalaly ana Samal Núrpeıisovaǵa úsh bólmeli turǵyn úıdiń kiltin tabystady.

Qonys ıesiniń qýanyshyn bólisýge okrýg ákimi Qaırat Turlybekov, «Dıana» qaıyrymdylyq qorynyń uıymdastyrýshysy Q. Qappar arnaıy qatysyp, ózderiniń quttyqtaýlaryn jetkizdi.

«Úı ıesin qýanyshymen quttyqtaımyn. Aýdanda atqarylyp jatqan qaıyrymdy isterge únemi kýá bolyp júrmiz. Osy ıgi istiń basynda júrgen»Dıana« qaıyrymdylyq qoryna jáne barlyq ujymyna alǵysymdy bildiremin», - dedi okrýg ákimi.

«Mereke aldynda biz keremet sharanyń kýási bolýdamyz. Eger biz yntymaǵymyz ben birligimizdi kórsete bilsek, elde qınalǵan otbasy bolmaıtynyna senemin», - degen qor uıymdastyrýshysy úı kiltin Samal Núrpeıisovaǵa tabys etti.

Jalǵyzbasty ana óziniń 5 balasymen birneshe jyl páter jaldap turǵanyn, endi olardyń óz bólmeleri bolatynyn aıtyp, kóz jasyna erik berdi.

Aıta ketý kerek, atalǵan qor ujymy turǵyn úıdi 920 myń teńge kólemindegi qarajatqa satyp alǵan.


Joǵary qaraı