Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy 5 ulttyq parkti damytý boıynsha jobalyq keńse ashylady

2020 jyldyń 27 qazan 2020 14:14

ALMATY. QazAqparat - Taý klasterin damytýdyń jobalyq keńsesine Almaty oblysyndaǵy ulttyq parkterdi damytý fýnktsııalary da beriletin boldy, dep habarlaıdy QazAqparat tilshisi.

Jobany QR Ekologııa, geologııa jáne tabıǵı resýrstar mınıstrligi, Almaty oblysy ákimdigi jáne «Kazakh Tourism» ulttyq kompanııasy birlesip júzege asyrady.

Onda Almaty oblysy aýmaǵynda ornalasqan «Kólsaı kólderi», «Іle-Alataý», «Altyn Emel», «Sharyn», «Jońǵar Alataýy» ulttyq parkteriniń ókilderi jumys isteıdi. Keńse týrıstermen, áleýetti ınvestorlarmen, týrıstik agenttiktermen jáne ulttyq parkter janynan qurylǵan Qoǵamdyq keńester múshelerimen úılestirilgen túrde jumys júrgizedi. Atalǵan jobalyq keńsede bes ulttyq parktegi týrıstik jáne ınvestıtsııalyq múmkindikter týraly barlyq aqparat «bir tereze» qaǵıdatymen beriledi.

Eske salaıyq, qańtar aıynda QR Premer-mınıstriniń tapsyrmasymen Almaty taý klasteriniń birikken jobalyq keńsesi qurylǵan. Osylaısha ulttyq parkterdi damytý mindetterin qosa atqarý arqyly keńse Almaty oblysynda jalpy týrızmdi, onyń ishinde ekotýrızmdi damytý boıynsha strategııalyq organǵa aınalady.

Biryńǵaı aqparat alańyn qurý ulttyq parkterdi damytýǵa qatysty mańyzdy máselelerdi sheshýge, atap aıtqanda ekotýrızmdi jolǵa qoıýǵa, tsıfrlandyrýdy júzege asyrýǵa (WI-FI, beınebaqylaý, dabyl pernesi), reındjerler qyzmetin, taý týrızmi, alpınızm nusqaýshylaryn daıyndaýǵa múmkindik bermek.

Sarapshylardyń baǵalaýynsha, 2025-2030 jyldary elimizdiń ulttyq parkterinde ekotýrızmdi damytýǵa 500 mlrd teńge kólemindegi jeke ınvestıtsııalar tartyp, jergilikti ekojúıege salmaq túsirmesten 12,5 mln týrıstke deıin qabyldaýǵa, 30 myń jatyn oryn, 20 myńdaı jumys ornyn qurýǵa bolady.

Sonymen birge sarapshylar Qazaqstanda ulttyq parkterdi damytý arqyly jylyna 5 mlrd AQSh dollaryn tabýǵa bolady dep esepteıdi. «Kazakh Tourism» UK Basqarma Tóraǵasy Erjan Erkinbaev atap ótkendeı, álemde pandemııa áserinen ekotýrızmge degen qyzyǵýshylyq ýaqyt ótken saıyn arta beredi.

«Bul halyqtyń qazirgi jaǵdaıda ashyq tabıǵatta kóbirek bolyp, taza aýamen tynystaǵysy keletinimen baılanysty. Sáıkesinshe Qazaqstandaǵy ulttyq parkterge baratyn adamdar qalasaq ta, qalamasaq ta kóbeıe beredi. Sondyqtan memleket ondaǵy ekotýrızmge arnalǵan ınfraqurylymdy jetildirýdi jalǵastyryp, ınvestorlar tartyp, jergilikti ekojúıege túsetin júktemeni teńdeı úlestirýi kerek», - dedi ol.

Óz kezeginde Ekologııa mınıstrligi barlyq múddeli taraptarmen birlesip ulttyq parkterdi damytý boıynsha áriptestik ornatýǵa daıyn.


Joǵary qaraı