Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynyń ákimdigi qala shetinde shashylyp jatqan qujattarǵa túsinik berdi

2022 jyldyń 20 qańtar 2022 10:30

TALDYQORǴAN. QazAqparat - Qańtar aıynda bolǵan búlik kezinde órtengen Almaty oblysy ákimdiginiń qujattary qalanyń shetinde shashylyp jatyr. Bir turǵyn Almaty oblysynyń ákimdigi dep jazylǵan qujattardy vıdeo túsirip, jelige júktegen, dep habarlaıdy QazAqparat tilshisi.

Taldyqorǵan mańynda shashylyp jatqan býma-býma qaǵazǵa qatysty Almaty oblysy ákimdiginiń baspasóz qyzmeti munyń barlyǵy eshqandaı mańyzy joq qaǵazdar dep túsindirdi.

Ákimdik ǵımaraty órtengennen keıin, qazir tazalaý jumystary júrgizilip jatyr.

Al sol jumystardy júrgizgen jaýaptylar bir kólik qaǵazǵa toly qoqysty Taldyqorǵanǵa qarasty Eńbek aýylynyń mańyna tógip ketken.

Qazir olarǵa eskertý jasalyp, barlyq qaǵazdar órtelip, belgilenbegen jerdegi qoqystyń kózi joıyldy.

«Almaty oblysy ákimdiginiń ǵımaratyn tazalaý barysynda merdiger mekeme shaǵylǵan qırandylar men órtten qalǵan qoqystardy, sonyń ishinde mańyzy joq qaǵazdardy qalalyq qoqys polıgonyna shyǵardy. Áleýmettik jelilerde jarııalanǵan aqparattar men «Almaty oblysynyń 2016-2020 jyldarǵa arnalǵan jumyldyrý jospary» degen jazýy bar papkaǵa qatysty aıtar bolsaq, bul papka syrtqy qap bolyp esepteledi, ishinde eshqandaı mańyzdy málimet joq. Qazirgi kezde qaǵaz qoqystar órteldi, belgilenbegen jerdegi qoqys joıyldy» delingen Almaty oblysy ákiminiń baspasóz qyzmetiniń jaýabynda.



Avtor Samal Qabysheva
Basty sózder: Almaty oblysy, Oqıǵa, Vıdeo, Ákim,
Joǵary qaraı