Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynyń antıkor qyzmeti 2 adamǵa izdeý jarııalap, fotolaryn taratty

2022 jyldyń 24 qańtar 2022 14:11

TALDYQORǴAN. QazAqparat - Almaty oblystyq Sybaılas jemqorlyqqa qarsy is-qımyl departamenti eki adamǵa izdeý salyp, fotosýretterin jarııalady. Olar qolǵa túskende birden qamaýǵa alynady, dep habarlaıdy QazAqparat tilshisi.

Іzdestirilip jatqandar jaıly aqparat pen sýrettteri atalǵan departamenttiń Instagram-daǵy resmı paraqshasyna jarııalandy.

33 jastaǵy Kýdrat Rozahýnov Almaty qalasynyń turǵyny. Ol qolǵa túsken sátte qamaýǵa alynady.

Іzdeý jarııalanǵan ekinshi adam – Jangazy Baıbekov. 54 jastaǵy azamat Almaty oblysy Eskeldi aýdanynyń turǵyny. Erekshe belgileri, erniniń joǵary tusynda tyrtyq bar. Ony da sot sanktsııasymen birden qamaý buıyrylǵan.

Alaıda, kúdiktilerge naqty qandaı aıyp taǵylyp otyrǵany aıtylmaǵan.

Departament málimetine sáıkes, aqparat bergender jaıly málimet qupııa túrinde qalady jáne olarǵa syıaqy qarastyrylǵan.

«Eger osy sýrette kórsetilgen adamdardy tanyǵandar bolsa, birden Almaty oblystyq sybaılas jemqorlyqqa qarsy is-qımyl departamentine habar berýdi suraımyz. Bizdiń mekenjaıymyz Taldyqorǵan qalasy, Kabanbaı batyra kóshesi 36/42, telefon: 8 (7282) 24-70-13, 24-76-23 (kezekshi bólim úzilissiz isteıdi), 8 775 212 19 91», - delingen vedomstvonyń habarlamasynda.


Joǵary qaraı