Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń aýdandyq aýrýhanasynda ókpesi tolyq zaqymdanǵan júkti áıel jazylyp shyqty

2021 jyldyń 22 qazan 2021 12:27

TALDYQORǴAN. QazAqparat - Almaty oblysynyń Іle aýdanynda ókpesiniń 90 paıyzy zaqymdanǵan júkti áıel jazylyp shyqty, - dep habarlaıdy QazAqparat tilshisi.

Almaty oblystyq Densaýlyq saqtaý basqarmasy baspasóz qyzmetiniń málimetinshe, em-shara EKMO (Ekstrakorporaldy Membranalyq Oksıgenatsııa) apparatyn paıdalana otyryp júzege asyryldy. Іle aýdandyq ortalyq aýrýhanasyna júkti kelinshek COVID-19 dıagnozymen, ókpesiniń 90 paıyzy zaqymdanǵan kúıinde jetkizilgen bolatyn. Atalǵan aýrhana dırektory Baýyrjan Ysqaq Erbozymuly naýqas EKMO apparatynyń kómegimen aman qalǵanyn aıtty.

«9 tamyz kúni 27 jastaǵy júkti áıel (38-39 apta) óte aýyr jaǵdaıda túsken bolatyn. Aýyr hálde túsken áıelge dereý ota jasalyp, bala aman-esen dúnıege keldi. Biraq naýqastyń jaǵdaıy nasharlap, qandy ottegimen qanyqtyratyn EKMO apparatyna qosýǵa týra keldi. Naýqas 31 kúnnen keıin ózdiginen dem ala bastady», - dedi Baýyrjan Ysqaq.

4 balanyń anasy Baıansulý Amangeldıeva jansaqtaý bóliminde medıtsına qyzmetkerleriniń kómegimen qaıta aıaqqa turyp, ózdiginen dem alýdy, qozǵalýdy úırengenin aıtady.




«Men jansaqtaý bóliminde 47 kún jattym. Eki aı boıy balalarymdy kórý arman boldy. Kópshilik jınalǵan jerde maska taqqan emespin. Bul meniń basty qateligim boldy. Óıtkeni maska taqqan kezde ózimdi jaısyz sezinip, aýa jetpeı turǵandaı sezinetinmin. Alaıda bir jutym aýany ózdigimnen juta almaı qınalǵanda qatty ókindim. Qateligimniń saldarynan otbasymdy, týǵan-týystarymdy, meniń ómirim úshin eki aı boıy kúresken dárigerlerdi áýrege saldym. Qazir aman-esen jazylyp, otbasyma oraldym. Dárigerlerge alǵysym sheksiz»,- dedi Baıansulý Amangeldıeva.

Aıta keteıik, juqpaly dertke shaldyqqan turǵyn aýrýhanada 58 kún jatsa, sonyń 47 kúnin jansaqtaý bólimshesinde ótkizdi. Іle aýdanyq aýrýhanasyna odan ózge COVID-19 dıagnozymen, ókpesi 80 paıyzǵa deıin qabynǵan bes júkti áıeldi dárigerler aman alyp qaldy.


Joǵary qaraı