Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Densaýlyq saqtaý basqarmasyna jańa basshy taǵaıyndaldy

2020 jyldyń 5 tamyz 2020 15:16

TALDYQORǴAN. QazAqparat - Almaty oblysynyń Densaýlyq saqtaý basqarmasyna Ómirzaq Nııazbekov basshy bolyp taǵaıyndaldy, dep habarlaıdy QazAqparat tilshisi.

Ómirzaq Ábilseıituly 1966 jyly týǵan. Almaty memlekettik medıtsına ınstıtýtyn dáriger mamandyǵy boıynsha bitirgen.

Eńbek jolyn Almaty oblysy Alakól aýdany Úsharal qalasyndaǵy Alakól ortalyq aýdandyq aýrýhanasynyń hırýrgııa bóliminde hırýrg bolyp bastaǵan.

Ár jyldary Úsharal qalasynyń Ortalyq qalalyq aýrýhanasynda dáriger-hırýrg, hırýrgııa bólimshesiniń meńgerýshisi, «Túrksib sanatorııi» AAQ bas dırektory, «№ 7 Qalalyq klınıkalyq aýrýhana» MKQK dáriger-hırýrg, Almaty qalasyndaǵy «emdeý-dıagnostıkalyq ortalyǵy» MKQK ambýlatorııalyq-emhanalyq bólimshesiniń dárigeri, Qarasaı aýdanynyń Qaskeleń qalasyndaǵy «Qarasaı AOA» ShJQ MKK dırektorynyń uıymdastyrý-ádistemelik jumys jónindegi orynbasary, Qarasaı aýdanynyń Qaskeleń qalasyndaǵy «Qarasaı AOA» ShJQ MKK uıymdastyrý-ádistemelik bóliminiń meńgerýshisi, Almaty qalasyndaǵy «Almaty óńirlik onkologııalyq dıspanseri» ShJQ MKK dırektorynyń medıtsınalyq qyzmetter sapasyn baqylaý jónindegi orynbasary bolyp qyzmet atqarǵan.

2018 jyldyń shildesinen - Almaty oblysy Densaýlyq saqtaý basqarmasy basshysynyń emdeý-aldyn alý jumysy jónindegi orynbasary qyzmetin atqardy.

Eske sala ketsek, Almaty oblysynyń densaýlyq saqtaý basqarmasynyń basshysy bolǵan Ysqaq Baýyrjan óz erkimen jumysynan ketkeni habarlanǵan edi.


Avtor Samal Qabysheva
Basty sózder: Almaty oblysy, Taǵaıyndaý,
Joǵary qaraı