Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń polıtsııasy býtıktiń úsh qyzmetkerin pyshaqtaǵan kúdiktini izdestirýde

2020 jyldyń 29 qazan 2020 03:27

TALDYQORǴAN. QazAqparat - Almaty oblysynyń polıtsııasy 3 adamǵa pyshaq jaraqatyn salǵan 25 jastaǵy jigitti bes jyldan beri izdestirýde, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, 2015 jyldyń sáýir aıynda Qarasaı aýdandyq polıtsııa bólimine Almaty-Bishkek tasjolynda ornalasqan iri saýda ortalyǵynyń qyzmetkerlerinen habarlama túsken. Anyqtalǵandaı, sporttyq taýarlar býtıgindegi zattardy qoldy qylǵan urylar ózderin ustamaq bolǵan býtıktiń úsh qyzmetkerine pyshaq jaraqatyn salǵan.

Atalǵan derek QR QK-niń 192-babynyń 2-bóligi (Qaraqshylyq), 188-babynyń 2-bóligi (Urlyq) boıynsha tirkelgen.

Sol ýaqytta ótkizilgen jedel-izdestirý sharalarynyń nátıjesinde tártip saqshylary qylmysty jasady degen aıyppen kúdiktilerdiń birin – 19 jastaǵy stýdentti ustady. Ol kinásin tolyq moıyndaǵan.

Al ekinshi kúdiktini izdestirý jumystary osy kúnge deıin jalǵasýda. Oqanov Dıdarbek Ásembekuly ózderin ustaýǵa tyrysqan úsh adamǵa pyshaq jaraqatyn salǵan. Ol 1995 jyldyń 19 naýryzynda Shyǵys Qazaqstan oblysynyń Katonqaraǵaı aýdanynda týǵan.

Polıtseıler onyń ornalasqan jeri týraly qandaı da bir aqparatqa ıe azamattardan 8 (7282) 60-82-33, 60-82-32 nemese 8 705-110-55-57 telefon nómirleri boıynsha habarlasýdy suraıdy.


Joǵary qaraı