Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Sarqan qalasynda halyq sýsyz otyr

2021 jyldyń 30 qarasha 2021 00:30

TALDYQORǴAN. QazAqparat - Almaty oblysynyń Sarqan qalasynda halyq aýyz sýsyz otyr, dep habarlaıdy QazAqparat tilshisi.

Sarqan aýdany ákiminiń baspasóz qyzmetiniń málimetinshe, ótken táýlikte qala boıynsha múldem sý bolmaǵan. Qazir aýdan ortalyǵynyń jartysyna aýyz sý azdap berile bastaǵan.

«Sarqan qalasy boıynsha aýyz sý júıesinen aqaý shyǵyp, turǵyndar sýsyz qaldy. Bunyń sebebi, Sarqan qalasynyń joǵarǵy sý alabynda muz kóshkini júrip, sý qubyrlaryn bógettep tastady. Qazirgi tańda mekeme qyzmetkerlerimen birge 3 tehnıka, 20 jumysshy keshegi kúnnen beri jóndeý jumystaryn júrgizýde. Aýyz sýdyń bolmaýy búgingi kúnniń keshki ýaqytyna deıin sozylýy múmkin. Qolaısyzdyq úshin keshirim suraımyz»,- delingen atalǵan vedomstvonyń baspasóz qyzmeti taratqan habarlamada.

Ákimdik máseleni erteń tolyqtaı sheshiletinine sendirdi.

«Jylda osyndaı jaǵdaı qaıtalanady. Qysta qalanyń jartysynda sý qatyp, bolmaıdy. Kóktem shyqqansha osyndaı qıyndyqty kóremiz. Nege ákimdik osy máseleni túbegeıli sheshpeıdi? Qaı ǵasyrda ómir súrip jatqanymyzdy bilmeı qalamyn. Bizde bala-shaǵa bar. Aýyz sýsyz otyrý óte qıyn», - deıdi óziniń atyn jasyryn qaldyrýdy suraǵan Sarqan aýdanynyń turǵyny.


Joǵary qaraı