Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Shubar aýyldyq okrýgindegi ákim saılaýynda 88 jastaǵy qarııa daýys berdi

2021 jyldyń 12 qyrkúıek 2021 19:15

TALDYQORǴAN. QazAqparat - Almaty oblysynyń Shubar aýyldyq okrýgindegi ákim saılaýynda 88 jastaǵy qarııa daýys berdi, - dep habarlaıdy QazAqparat tilshisi.

Almaty oblysyndaǵy 71 aýyldyq okrýgte ákim saılaýy ótkizildi. Búgingi tańda naýqan Kerbulaq aýdany, Shubar aýyldyq okrýginde jalǵasyn tabýda.

Óz tańdaýyn jasaýǵa 88 jastaǵy aýyl turǵyny, Oryntaı Qazaqpaıuly keldi.

Aýyl aqsaqaly saıası dodanyń bási bıik ekenin, sondaı-aq bolashaq ákimniń moınyna artylar mindettiń júgi aýyr bolatyndyǵyn atap ótti.

«Búgin shaǵyn aýyl úshin mereke. Bul tarıhta bolmaǵan jaǵdaı. Aýyldyń ósip órkendeýi jolynda bilikti maman qajet. Sondaı tuǵyrly adam saılanady dep senemin. Aýyl sharýashylyǵynan habary bar maman kelse eken dep oılaımyn. Óıtkeni, halyqtyń tabys kózi de osy aýyl sharýashylyǵynda jatyr»,- deıdi tyl ardageri Qazaqpaı Oryntaı.

Shubar aýyldyq okrýginde 3 saılaý ýchaskesi jumys istep tur. Mundaǵy saılaýshylar sany 1 143-ti quraıdy.

Sonyń ishinde 179 aýyl turǵyny nómiri 625-shi saılaý ýchaskesine daýys berýge tirkelgen. Saılaýǵa jaýapty tulǵalar, atalǵan aımaqta daýys berý barysynda zań buzýshylyqtar bolmaǵanyn aıtty.

«Men nómiri 625-shi saılaý ýchaskesinde hatshy qyzmetin atqaryp otyrmyn. Búgingi kúnge eshqandaı zańsyzdyq bolǵan joq. Saǵat 11-degi málimetterge sáıkes, aýyl halqynyń 51%-y óz tańdaýyn jasady»,- deıdi Marzııa Abdraımova.

El Táýelsizdiginiń 30 jyldyǵy qarsańynda Prezıdent Qasym-Jomart Toqaev aýyl ákimderin tikeleı saılaý týraly tapsyrma berdi. Memleket basshysynyń pármenine sáıkes, aǵymdaǵy jyly 25 shilde kúni respýblıka aýmaǵynda aýyl ákimderiniń saılaýy ótti.


Avtor Samal Qabysheva
Basty sózder: Almaty oblysy, Saılaý, Ákim, Aımaq,
Joǵary qaraı