Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń soty karantınge jabyldy

2021 jyldyń 21 qańtar 2021 08:31

ALMATY. QazAqparat – Almaty oblysynyń soty 20 qańtardan 2 aqpanǵa deıin karantınge jabyldy.

Bul týraly sottyń Facebook -tegi paraqshasynan málim boldy, dep habarlaıdy QazAqparat.

«Taldyqorǵan qalasynyń bas memlekettik sanıtarlyq dárigeriniń 2021 jylǵy 20 qańtardaǵy «Almaty oblystyq soty» RMM ǵımaratynda jáne aýmaǵynda karantındik sharalar engizý týraly» qaýlysymen oblystyq sot jáne onyń aýmaǵynda 2021 jyldyń 20 qańtarynan 2 aqpanyna deıin karantındik sharalar engizildi»,-delingen habarlamada.

Qaýly talaptaryna sáıkes:

Sottyń jumysy qashyqtan jumys rejımine tolyq aýysa otyryp, tolyǵymen toqtatylady;

Sot ǵımaratyna SEQ qyzmetkerlerinen basqalarynyń kelýine qatań tyıym salynady;

Osy merzimde qaraýǵa taǵaıyndalǵan ister keıinirek merzimge aýystyrylady, taǵaıyndalǵan kúni men ýaqyty týraly aqparat qatysýshylarǵa qosymsha joldanady;

«Qylmystyq protsessýaldyq kodekstiń 107-babyna sáıkes kelip túsken materıaldardy sýdıa Taldyqorǵan qalalyq sotynyń ǵımaratynda qashyqtyqtan qaraıdy»,-dep jazady Almaty oblysy boıynsha sottar Ákimshisi basshysynyń mindetin atqarýshy E.Aıtjanov.


Basty sózder: Koronavırýs, Karantın, Sot, Almaty,
Joǵary qaraı