Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń turǵyny avtobýsta 360 myń teńgesin urlatyp aldy

2020 jyldyń 15 qyrkúıek 2020 02:08

TALDYQORǴAN. QazAqparat – Almaty oblysynda avtobýsta turǵynnyń 360 myń teńge aqshasyn urlaǵan kúdikti ustaldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, Qarasaı aýdanynyń polıtseıleri avtobýs urysyn izin sýytpaı ustady.

Qarasaı aýdany polıtsııa bóliminiń kezekshi bólimine Shamalǵan stantsııasynyń 38 jastaǵy turǵyny mıkroavtobýsta belgisiz adam onyń barsetkasynan 360 myń teńge urlap ketkeni týraly aryzdanǵan. Azamat uryny ustamaqshy bolǵanda, ol qashyp ketken. Degenmen, uryny sýretke túsirip úlgergen.

«Az ýaqyt ishinde tergeýshiler buryn urlyq jasaǵany úshin birneshe ret sotty bolǵan Іrgeli kentiniń 41 jastaǵy turǵynyn Altyn Orda bazarynan anyqtap, ustady. Ony jábirlenýshi de, kondýktor da tanyǵan jáne basqa da dáleldermen áshkerelengen. Kúdikti tonaý deregin tolyq moıyndady», - deıdi Qarasaı aýdandyq polıtsııa bólimi bastyǵynyń orynbasary Abaı Tynyshbaev.





Urlanǵan aqshany qaskúnem óz kóligin jóndetýge jumsap úlgergen. Atalǵan derek boıynsha QR QK-niń 191-baby 1-bóligi boıynsha qylmystyq is qozǵalyp, kúdikti ýaqytsha ustaý oqshaýlaǵyshyna qamaldy.


Joǵary qaraı