Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty ortalyq meshitinde muqtaj otbasylarǵa azyq-túlik taratyldy

2022 jyldyń 18 qańtar 2022 23:52

ALMATY. QazAqparat - Almaty ortalyq meshitinde «Kúshimiz – birlikte» qaıyrymdylyq sharasy ótti, dep habarlaıdy QazAqparat tilshisi.

Qaıyrymdylyq aktsııasy aıasynda 1 myń muqtaj otbasyǵa kómek kórsetildi. Árbir otbasyǵa qajetti azyq-túlikter salynǵan qoraptar taratyldy.

Sharaǵa qatysqan bas múftı Naýryzbaı qajy Taǵanuly qaıyrymdylyq sharasyn uıymdastyrý sebebin aıtty.

«Dinı basqarmanyń jumys baǵytynyń biri – qaıyrymdylyq kórsetý. Jýyrda Memleket basshysy Qasym-Jomart Toqaevtyń bastamasymen «Qazaqstan halqyna» qoǵamdyq áleýmettik qory quryldy. Din qyzmetkerleri de qoldaý kórsetýdi bastady. Osy rette sabyr men turaqtylyq bizdiń taban tireıtin tuǵyrymyz bolýy tıis. Bul qıyndyq ta óter, keter. Biraq, bizdiń sabyrymyz, birligimiz, berekemiz ketpeýi kerek», - dep atap ótti Naýryzbaı qajy Taǵanuly.

Aıta keteıik, qaıyrymdylyq sharasy barysynda meshitke tirkelgen otbasylar kelip, bas múftıdiń qolynan qajetti azyq-túlikter aldy. QMDB tóraǵasy mundaı ıgi isterdiń jyl boıy jalǵasatynyn jetkizdi.

Sondaı-aq búgin Almatyda bas múftı qaıǵyly oqıǵa kezinde qaza tapqan azamattardyń otbasylaryna baryp, kóńil aıtty.

















Joǵary qaraı