Aýa raıy
Astana -14 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Almaty-Óskemen» trassasynda jolaýshylar avtobýsynyń janarmaıy qatyp, jolda qaldy

2019 jyldyń 23 qarasha 2019 13:49

ÓSKEMEN.QazAqparat – Almatynyń Úsharal qalasynan Óskemenge kele jatqan jolaýshylar avtobýsynyń janarmaıy qatyp, jolda qaldy, dep habarlaıdy QazAqparat tilshisi.

Avtobýs júrgizýshisi aýa raıy jaǵdaıyn eskermeı, jazdyq janarmaımen jolǵa shyǵyp ketken. Kólikte eresektermen birge bes bala bolǵan. Osy kezde «Almaty-Óskemen» avtojolynda kezekti aldyn alý sharasy sheńberinde júrgizýshilerden saýalnama alyp júrgen tártip saqshylary jolaýshylar avtobýsyna kezdeısoq jolyqqan.

«22 qarasha kúni tasjoldyń 1022-shaqyrymynda avtobýs toqtap qalǵan. Óıtkeni kólikke jazǵy janarmaı quıylǵan. Júrgizýshi aýa raıy jaǵdaıyn eskermegen. Úsharalda aýa temperatýrasy + 4°C bolǵan kezde, ShQO-da -36 gradýsty kórsetip turǵan. Salonda 16 jolaýshy, onyń ishinde 5 bala bolǵan», – dep málim etti ShQO Polıtsııa departamentiniń baspasóz qyzmetinen.

Tártip saqshylary dereý iske kóshken. Jolshybaı kólikterdi toqtatyp, bos oryndarǵa jolaýshylardy otyrǵyzyp jibergen. Avtobýsta alty jolaýshy qalǵan kezde Óskemennen kómek te kelip jetken.

Polıtsııa departamentiniń aqparatyna sáıkes, zardap shekkender joq.

Joǵary qaraı