Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Almaty polıtsııasy urlanǵan smartfondardyń ıesin izdestirip jatyr

2020 jyldyń 27 qarasha 2020 21:41

ALMATY. QazAqparat - Almaty polıtsııasy urlanǵan smartfondardyń úlken mólsherin tárkiledi, dep habarlaıdy QazAqparat tilshisi.

Jedel qyzmetkerler bir kún buryn arnaıy is-shara ótkizdi. Jeke úılerdiń birinen qylmystyq jolmen alynǵan 464 mobıldi qurylǵy tabyldy

«Krımınaldyq polıtsııa qyzmetkerleri arnaıy jasaq sarbazdarynyń kómegimen 23 jáne 20 jastaǵy aǵaıyndy eki jigitti ustady. Olar jedel jáne arnaıy is-sharalarynyń málimetterine sáıkes urlanǵan uıaly telefondar men basqa da quraldardy satyp alǵan. Bul partııa Qyrǵyzstan men Ózbekstanǵa jóneltilýi ​​tıis bolǵan. Kúdiktilerdiń turǵylyqty jerinen tintý barysynda 464 smartfon, bir noýtbýk jáne tórt qol saǵaty tabylyp, protsessýaldyq tártipte tárkilendi. Sotqa deıingi tergeý QR QK 196-baby 2-bólimimen júrgizilip jatyr. Qazirgi ýaqytta osy uıaly telefondardyń ıelerin anyqtaý boıynsha sharalar qabyldanyp jatyr», – dedi Almaty qalalyq Polıtsııa departamenti bastyǵynyń orynbasary Berik Ábilbekov.


Joǵary qaraı