Aýa raıy
Astana 26 °S
Almaty 27 °S
valıýta baǵamy
USD 405.69
EUR 455.51
RUB 5.72
CNY 57.42

Almaty polıtsııasy jalǵan memlekettik nómir taǵyp júrgen 50-den astam kólikti anyqtady

2019 jyldyń 12 qarasha 2019 13:32

ALMATY. QazAqparat – Almaty polıtsııasy jalǵan nómir taqqan 50-den astam kólikti anyqtady, dep habarlaıdy QazAqparat tilshisi.

Almaty tártip saqshylary, on kúnnen beri jalǵan nómir taqqan kólikterdi beınebaqylaý kamerasy arqyly anyqtap jatyr.

«Búgingi kúni polıtsııa jalǵan nómir taqqan nemese múldem nómiri joq kólikterdi avtomattandyrylǵan aqparattyq júıe arqyly anyqtaıdy. Bul kameralar jol júrý erejesin buzǵan avtokólik júrgizýshisin jyldam tabýǵa múmkindik beredi. Avtomattandyrylǵan aqparattyq izdestirý júıesi kólik quralynyń tirkelýi týraly aqparattardy tekseredi. Beınejazbadaǵy avtokólik derekteri tehnıkalyq tólqujatty tirkeý derekteri men memlekettik nómiri tehnıkalyq tólqujatymen sáıkes kelmegen jaǵdaıda kezekshi ınspektorlar sol kólikti anyqtaýǵa jáne ustaýǵa jiberiledi», - dedi Almaty qalalyq PD jedel izdestirý basqarmasynyń bastyǵy Andreı Kvashnın.

Almaty polıtsııasy jalǵan memlekettik nómir taqqan «Leksýs» avtokóligin ustady. Tekserý nátıjesinde atalǵan kólik ıesiniń 200-ge jýyq jol júrý erejesin buzǵany anyqtaldy.

«Oǵan qatysty ákimshilik sharalar qoldanyldy. Kólik mamandandyrylǵan aıyppul turaǵyna qoıyldy. Júrgizýshige keletin bolsaq, ol kólik quralyn basqarý quqyǵynan aıyrylady»,- dedi Andreı Kvashnın.

Spıkerdiń málimetinshe, sońǵy 10 kúnde megopolıs joldarynda 50-den astam jalǵan nómir taqqan kólik jáne múldem nómeri joq 100 avtokólik anyqtaldy.

Avtor Alma Muqanova
Basty sózder: Almaty, Qoǵam, QR ІІM, Kólik,
Joǵary qaraı