Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Almaty shetindegi shaǵynaýdanda jańa medıtsınalyq ortalyq ashyldy

2020 jyldyń 20 qazan 2020 12:39

ALMATY. QazAqparat - Almaty qalasynyń ákimi Baqytjan Saǵyntaevtyń jaqyn jerde ornalasqan qoljetimdi medıtsınalyq nysandardy ashý týraly tapsyrmasyn oryndaý aıasynda Jetisý aýdanynyń Kókmaısa shaǵynaýdanynda alǵash ret «Respýblıkalyq otbasylyq-dárigerlik ortalyq» medıtsınalyq pýnkti ashyldy, dep habarlaıdy QazAqparat tilshisi.

Endi Kókmaısa yqshamaýdanynyń turǵyndary tegin medıtsınalyq kómektiń kepildik berilgen kólemi men mindetti medıtsınalyq saqtandyrý paketi sheńberinde alǵashqy medıtsınalyq-sanıtarlyq, ýchaskelik dárigerdiń, sondaı-aq nevropatolog, gınekolog jáne basqa da mamandardyń keńesin ala alady.

Medpýnkt túrli beıindegi konsýltatsııalyq-dıagnostıkalyq qyzmetter kórsetý úshin zamanaýı qural-jabdyqpen jabdyqtalǵan. Medıtsınalyq pýnktte ýltradybystyq zertteýden ótýge, qajetti taldaýlardy tapsyrýǵa, emshara kabınetiniń qyzmetterin alýǵa bolady.




Shaǵynaýdan turǵyndary medıtsınalyq pýnkttiń ashylýyn kópten beri suraǵan. Endi bul másele sheshildi.




«Búginde Jetisý aýdanynyń Kókmaısa shaǵynaýdanynda 10 myńnan astam adam turady. Negizgi medıtsınalyq qyzmetterdi alý úshin olar avtobýspen eń jaqyn emhanaǵa barýǵa májbúr boldy, bul ásirese aǵa býyn ókilderine keıde yńǵaısyzdyq týdyrdy. Biraq qazir bul másele sheshildi, óıtkeni respýblıkalyq otbasylyq-dárigerlik ortalyqtyń medıtsınalyq pýnkti ashyldy. Olar óz qarajatyna jóndeý jumystaryn júrgizip, medpýnkti eń qajetti jabdyqtarmen jabdyqtady. Medpýnkttiń ashylýy shaǵynaýdan turǵyndary úshin kópten kútken qýanyshty oqıǵa. Qoljetimdi jerde ornalasqan medıtsınalyq nysandardy ashý boıynsha osy jumysty ári qaraı jalǵastyramyz», — dedi Jetisý aýdany ákiminiń mindetin atqarýshy Damır Ákejanov.





Avtor Gúlmıra Ǵosmanálı
Basty sózder: Medıtsına, Almaty,
Joǵary qaraı