Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty turǵyndary aryq sýynyń jaǵymsyz ıisine shaǵymdandy

2020 jyldyń 23 qazan 2020 15:50

ALMATY. QazAqparat - Almaty turǵyndary aryqtan shyqqan kúlimsi ıiske shaǵymdandy, dep habarlaıdy QazAqparat tilshisi.

Áleýmettik jelide jarııalanǵan jazbada aryqqa káriz sýy tógilgen degen tuspal aıtyldy.

«Ál-Farabı dańǵylynan Nazarbaev kóshesine deıin aryq sýy sasyp tur. Káriz sýy aǵyp jatyr»,- dedi Almaty turǵyny.

«Almaty Tazalyq» kásiporny bul derekke qatysty túsinik bildirdi.

«Bizde týnnelderde jaman sý aǵatyn rezervýar bar. Oǵan jaýyn sýy jınalady. Sol jerde jaýyn sýyn soratyn sorǵy ornatylǵan. Búgin ol sorǵynyń jumysyn tekserdik. Rezervýardaǵy sýdyń qaldyǵyn tóktik. Bul – káriz sýy emes, turyp qalǵan sý. Sý túbinde shógindi bar. Apat bolmaǵan, sorǵy istep tur. Jaǵymsyz ıis jaqyn arada ketedi», - dedi «Almaty Tazalyq» kásiporny dırektorynyń Medeý aýdany boıynsha orynbasary Erbolat Qaldybaev.


Avtor Gúlmıra Ǵosmanálı
Basty sózder: Aımaq, Almaty, Oqıǵa,
Joǵary qaraı