Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty turǵyndary ystyq sý men jylýsyz qaldy

2021 jyldyń 8 jeltoqsan 2021 17:05

ALMATY. QazAqparat – Almatyda Qazybek bı-Qarasaı batyr-Qonaev-Dostyq kósheleriniń boıynda ornalasqan birqatar úı men ǵımarat ystyq sý men jylýsyz qaldy, dep habarlaıdy QazAqparat tilshisi.

«Almaty jylý júıesi» mekemesiniń málimetinshe, Ýálıhanov - Qazybek bı kóshesindegi dıametri 300 mm bolatyn sý qubyryndaǵy zaqymǵa baılanysty birqatar úıge ystyq sý men jylý berý toqtatyldy.

«Qazirgi ýaqytta «Almaty jylý jelileri» JShS avarııalyq brıgadasymen zaqymdanýdy joıý boıynsha jumystar júrgizilýde. Joıýdyń josparly merzimi búgingi kúni saǵat 20:00-ge deıin. Qalalyqtardan ýaqytsha qolaısyzdyqtarǵa túsinistikpen qaraýdy suraımyz»,- dep habarlady kompanııadan.

Sonymen qatar, kompanııa ókilderi shtattan tys jaǵdaı týyndaǵan jaǵdaıda (sý, bý shyǵaryndylary) óz betinshe áreket etpeýdi jáne bolǵan oqıǵa týraly «AlJJ» JShS apattyq-dıspetcherlik qyzmetine +7 727 3780665 táýlik boıǵy nómiri boıynsha nemese +7 727 341 0777 nómirine habarlasýdy suraıdy.

Qońyraý qabyldaý saǵaty 08:00-den 18: 00-ge deıin.


Avtor Alma Muqanova
Basty sózder: Energetıka, Oqıǵa, Almaty,
Joǵary qaraı