Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty turǵyndaryna kóktaıǵaqqa baılanysty eskertý jasaldy

2021 jyldyń 27 qarasha 2021 11:02

ALMATY. QazAqparat- Almatyda qar aralas jaýyn jaýyp, keshki jáne túngi ýaqytta aýa temperatýrasy mınýs 8-10 gradýsqa deıin tómendep, tuman túsip, aýanyń joǵary ylǵaldylyǵyna baılanysty muz qatyp, kóktaıǵaq bolýy yqtımal, dep habarlaıdy QazAqparat tilshisi.

Osyǵan baılanysty Almaty qalalyq TJD kólik júrgizýshilerin jyldamdyqty tómendetip, avtomobıl arasyndaǵy qashyqtyqty ulǵaıtýǵa jáne jyldam manevr jasamaýǵa shaqyrady.
Jaıaý júrginshilerge trotýarda saq bolyp, asa qajettilik bolmaǵan jaǵdaıda úıden shyqpaǵany abzal.
Almaty qalasynyń TJD jaıaý júrginshilerge birqatar usynys berdi:
- esińizde bolsyn, qar men kóktaıǵaq kezinde kólik júrgizýi kúrt nasharlaıdy jáne júrgizýshiniń kólikti baqylaýdy joǵaltýy múmkin, nátıjesinde jaıaý júrginshilerdiń qaǵyp ketýi múmkin;
- kóshelerdi jol qozǵalysy erejelerimen belgilengen oryndarda ótý kerek;
- abaı bolyńyz, joldan ótken kezde, basqa isterge (uıaly telefonmen sóılesý jáne t. b. alańdamańyz.;
- árqashan aldyńyzda aıaqtyń astyna qarańyz;
- aıaq kıimdi durys tańdaýǵa nazar aýdarý kerek. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolýy tıis;
- qolyńyzdy qaltańyzda ustamańyz, bul sizge muzda tepe-teńdikti saqtaýǵa múmkindik beredi;
– esińizde bolsyn, trotýarlar, qalalyq kólik aıaldamalary, dúkenderge kire beristegi baspaldaqtar, tipti óz úıiniń kireberisi- adamdar jıi jaraqat alyp qulaıtyn jer.


Avtor Alma Muqanova
Basty sózder: Aýa raıy, Almaty,
Joǵary qaraı