Aýa raıy
Astana 21 °S
Almaty 29 °S
valıýta baǵamy
USD 412.55
EUR 468.66
RUB 5.79
CNY 58.80

Almaty turǵyny karantın kezinde aýlasynda toı jasaǵan

2020 jyldyń 5 shilde 2020 23:00

ALMATY. QazAqparat - Almatyda 30 shaqty qonaq shaqyryp, úıiniń aýlasyna toı jasaǵan turǵyn anyqtaldy, dep habarlaıdy QazAqparat.

Saltanatty shara qalanyń Naýryzbaı aýdanynda bolǵan.

«Toı tez arada tarqady. Úı ıelerine jaǵdaı túsindirilip, tıisti nusqaý berildi» dep málim etti qala ákimdigi.

Monıtorıng toby men polıtseıler toı jasaǵan úıge arnaıy bas suqqan.

«Túsingenimiz, neke qııatyn bólim úı ıelerine durys túsindirmegen. ıAǵnı, óz týystaryńyzdyń arasynda 30 adamǵa deıin toılap, atap ótýge bolady dep aıtqan. Biz qazir «Aqjar» shaǵynaýdanynda toı bolǵan úıdiń janynda turmyz» dep habarlady Naýryzbaı aýdany taýarlar men qyzmetterdiń sapasy men qaýipsizdigin baqylaý basqarmasy mamandary.

Eske sala keteıik, búgin Almaty ákimdigi karantın sharasyn buzǵandar týraly habarlaýdy ótingen bolatyn. Qala bıligi karantındi buzǵan kásipkerlik nysandarynan bólek, toı jasap, kópshiliktiń basyn qosqandardyń da máselesin qarastyrmaq.




Aıta keteıik, 2 shilde kúni QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq ahýaldy turaqtandyrý sharalary qaralǵan bolatyn.

Osy keńeste memkomıssııa 5 shildeden bastap 14 kúnge qatań shekteý sharalaryn engizý jóninde sheshim qabyldady. 14 kúnge sozylatyn karantın barysynda QR Bas memlekettik sanıtar dárigeriniń qaýlysyna sáıkes, elder tizimin kóbeıtpeı, halyqaralyq áýe qatynasy saqtalatyn boldy. Óńirler arasyndaǵy áýe qatynasy, temir jol qatynasy saqtalǵanymen, naqty shekteý sharalary qoldanylady.

Óńirler arasyndaǵy jolaýshylar avtobýsy qatynasy ýaqytsha toqtatyldy. Qala ishindegi qoǵamdyq kóliktiń jumysyna da ýaqyt boıynsha shekteý engizildi. Máselen, erteńnen bastap elordada aldaǵy 2 aptaǵa qoǵamdyq kólik qozǵalysy toqtatylady .



Joǵary qaraı