Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

«Almaty Jastary 3.0»: endi qalalyq tirkeýdiń qajeti joq

2020 jyldyń 5 tamyz 2020 15:52

ALMATY. QazAqparat – «Almaty jastary 3.0» baǵdarlamasynyń sharttary barynsha jeńildetildi. Bul týraly qala ákimi Baqytjan Saǵyntaev óziniń Instagram–daǵy paraqshasynda jazdy, dep habarlaıdy QazAqparat tilshisi.


«Áleýmettik salada jumys isteıtin jastardy, sonyń ishinde muǵalimder, dáriger, mádenıet jáne BAQ salasynyń qyzmetkerlerin qoldaý úshin «Almaty jastary 3.0» baǵdarlamasynyń sharttary barynsha jeńildetildi.

Jyldyq mólsherleme 5%, bastapqy jarna 10%, nesıeleý merzimi 25 jylǵa deıin. Jas ereksheligi 35 jastaǵy azamattar»,– dep atap ótken ákim.

Sonymen qatar, ol jyl basynan beri tólem qabilettiligin rastaý úshin 1035 adam joldama alǵanyn atap ótti.

«Jyl basynan beri tólem qabilettiligin rastaý úshin 1035 adam joldama aldy. Qalada tirkeýiniń bolý kerektigi týraly talap alynǵannan keıin taǵy 526 azamat joldama alsa, 457-si rezervke engizildi. Birinshi kezeń boıynsha ótken jastar ózderine páter tańdap aldy. Aıta ketý kerek, turǵyn úıdi bastapqy jáne ekinshi naryqtan tańdaý quqyǵy bar. Jastarǵa qamqor bolý – basty mindetterimizdiń biri. Qalanyń negizgi áleýeti ári Almatynyń qozǵaýshy kúshi men jasampaz energııasy – Sizdersizder, jastar», – dep jazdy Baqytjan Saǵyntaev.


Avtor Alma Muqanova
Basty sózder: Turǵyn úı, Jastar, Almaty,
Joǵary qaraı