Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

«Almaty jastary 3.0» turǵyn úı baǵdarlamasyna jeńildik engizildi

2020 jyldyń 17 maýsym 2020 09:34

ALMATY. QazAqparat – «Almaty jastary 3.0» baǵdarlamasymen baspana alýǵa nıetti jastar úshin «qalada tirkeýde bolý» talaby alynyp tastaldy. Bul týraly Almaty ákimi Baqytjan Saǵyntaev Twitter-de jazdy, dep habarlaıdy QazAqparat tilshisi.

«Almaty jastary 3.0» jeńildetilgen nesıe baǵdarlamasymen turǵyn úı alýǵa nıetti jumys isteıtin almatylyq jastarǵa qalada tirkeýde bolý talaby alyndy. Osy sebepke baılanysty qabyldanbaǵan ótinishter qaıta qaralady. 22 maýsymnan ótinimderdi qabyldaýdyń ekinshi kezeńi bastalady»,– dep jazdy qala ákimi.

Aıta keteıik, baǵdarlama boıynsha nesıeni óteý merzimi 3 jyldan 25 jylǵa deıin, tólem qabilettiligine qaraı esepteledi. Bastapqy tólem - 10%.

Baǵdarlamanyń maqsaty – bıýdjet salasyndaǵy jas qyzmetkerlerge qoldaý kórsetý (35 jasqa deıin). Bul – muǵalimder, dárigerler, ýnıversıtet oqytýshylary, mádenıet, sport salasynyń ókilderi, jýrnalıster men ǵalymdar.

Jalpy, Almatyda 8,4 myń kóppáterli turǵyn úı qory bar. Bul, eldegi eń úlken kórsetkish. Turǵyn úıge suranys jyl saıyn artýda. Búginde 25 533 azamat baspana kezeginde tur. Bul, ótken jylmen salystyrǵanda 4,5 myń adamǵa kóp.

Byltyr Almatyda 3162 adam baspanamen qamtamasyz etildi, onyń ishinde 520 kópbalaly otbasy men 114 balalar úıiniń túlekteri bar. Sonymen qatar, 2019 jyly 1050 jumys isteıtin jastar jaldamaly páter kiltterin aldy.


Joǵary qaraı