Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Almaty zoobaǵynda barysqa evtanazııa jasaldy

2019 jyldyń 19 qyrkúıek 2019 17:17

ALMATY. QazAqparat - Almaty zoobaǵynda Stella atty barysqa evtanazııa jasaldy, dep habarlaıdy Qazaqparat tilshisi.

Bul týraly zoobaqtyń resmı akkaýntynda jazyldy.

«Búgin zoobaqta muńdy kún. Stella atty barysymyzdy densaýlyǵynyń nasharlaýyna baılanysty óltirýge týra keldi. 2004 jyly týǵan janýar 2011 jyly zoobaqqa Reseıden ákelingen bolatyn. Negizi barys 12-15 jyl ómir súredi. Barlyq qyzmetkerler ony jaqsy kóretin. Sońǵy aptada onyń jaǵdaıy qıyndap ketti. Veterınarlar emdeý kýrsyn júrgizgenmen, beti beri qaramady. Shuǵyl túrde myqty klınıkalardyń veterınarlary men QazUAÝ professorlarynan konsılıým jınaldy. Konsılıým biraýyzdan EAZA, WAZA, EARAZA halyqaralyq qaýymdastyqtarynyń erejelerine súıene otyryp Stellaǵa ınektsııa salý týraly sheshim qabyldady»,- dedi zoobaqtan.

Janýardyń neden ólgeni múrdege jasalǵan qorytyndydan soń belgili bolady.


Avtor Gúlmıra Ǵosmanálı
Basty sózder: Almaty, Ekologııa,
Joǵary qaraı