Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Almaty zoobaǵynda kósheden tabylǵan Sımba atty arystanǵa jańa baspana salyndy

2020 jyldyń 27 qarasha 2020 14:07

ALMATY .QazAqparat - Almaty zoobaǵynda Aqtaý qalasynan ákelingen Sımba atty arystanǵa arnalǵan jańa qorshaýdyń resmı ashylýy ótti, dep habarlaıdy QazAqparat tilshisi.

Sımbaǵa arnalǵan zamanaýı qorshaý «Snow Leopard Foundation» qorynyń qoldaýymen salyndy. Onyń jalpy aýdany 750 sharshy metrden asady. Ol úsh aımaqtan turady - ekspozıtsııalyq syrtqy qorshaý, demalatyn aımaq jáne qysqy bólme.

Ekspozıtsııalyq qorshaýǵa tabıǵı materıaldar qoldanyldy. Qurylysshylar aǵash pen tasty paıdalanǵan. Sonymen qatar, tereńdigi 1,5 metr basseıin salyndy. Munyń bári jyrtqysh ań ózin jaqsy sezinýi úshin jasalǵan.

Qorshaý qurylysy qyzmetkerler men qonaqtardyń qaýipsizdigin barynsha eskere otyryp, halyqaralyq zoobaqtar qaýymdastyǵynyń standarttaryna sáıkes júrgizilgen.

«Bárimiz de aqtaýlyq arystannyń ómirine alańdadyq jáne Sımbany qutqaryp qaldyq. Onyń endi óz úıi bar. Qorshaýdy zaman talabyna saı salǵanymyzǵa óte qýanyshtymyz»,–deıdi «Snow Leopard Foundation» qorynyń ókili Nurálı Álıev.

Jańa jyldan bastap Sımba haıýanattar baǵynyń menshigine beriledi. Veterınar mamandardyń aıtýynsha, arystannyń densaýlyǵy jaqsy, ol keń ári yńǵaıly jańa orynǵa aýysýǵa daıyn.




«Sımba aıtarlyqtaı ósti jáne ol jasyna saı salmaq qosty. Ol birneshe aı boıy bizdiń karantın statsıonarynda boldy. Osy ýaqyt ishinde biz keshendi medıtsınalyq tekserýden ótkizdik», - deıdi zoobaq veterınary Alına Chımırýk.




Eske sala keteıik, 25 maýsymda Mańǵystaý oblysynyń Aqshuqyr aýylynyń jergilikti turǵyndary kóshede júrgen arystandy kórip, dabyl qaqqan bolatyn.




Jyrtqysh janýardy mamandar ustap, tsırkke tabystady . Keıin Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet arystannyń taǵdyry týraly aıtyp berdi .

10 shildede jyrtqysh janýardy zańsyz asyraǵan Aqtaý turǵynyna sot úkimi shyqty. Sol aı da Sımba Almatyǵa jetkizildi .












Avtor Alma Muqanova
Basty sózder: Almaty, Ekologııa, Oqıǵa,
Joǵary qaraı