Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 10 myńnan astam turǵyn emhana aýystyrdy

2021 jyldyń 24 qarasha 2021 16:22

ALMATY. QazAqparat – Elimizde azamattardy emhanaǵa tirkeý naýqany aıaqtaldy. Eki aıǵa sozylǵan dástúrli naýqan barysynda 10 myńnan astam almatylyq emhana aýystyrdy. Bul týraly búgingi brıfıngide «Áleýmettik medıtsınalyq saqtandyrý qory» KEAQ Almaty qalalyq fılıalynyń dırektory Tileýhan Ábildaev málim etti, dep habarlaıdy QazAqparat tilshisi.

«Aldyn ala derekterge qaraǵanda, Almaty qalasynda tirkeý naýqanyna qatysqan turǵyndar sany ótken jylmen salystyrǵanda kishkene óskeni baıqalady. Bıyl medıtsına mekemesin tańdaý quqyǵyn 10 myńnan astam adam paıdalandy. Olardyń bári tirkeý týraly ótinishti egov.kz elektrondy úkimet portaly arqyly berdi. Sońǵy birneshe jyldan beri emhanaǵa tirkeý naýqany kezinde basqa emhanaǵa aýysatyn turǵyndar sany edáýir qysqarǵany ras. Munyń ózindik sebepteri de bar»,- deıdi spıker.

Birinshiden, sońǵy jyldary tirkeý naýqany elektrondy úkimet portaly arqyly júrgizilip keledi. Protsess tolyǵymen avtomattandyryldy. Bul jyldar boıy daýǵa aınalyp kelgen «syrttaı tirkeý» problemasyn túbegeıli joıdy deýge bolady.

Ekinshiden, emhanany erkin tańdaý quqyǵyn belsendi túrde paıdalana bastaǵan jurtshylyq tirkeý kampanııasyn kútip otyrmaı-aq ózine qajetti medıtsına uıymyna tirkele beredi.

Onyń aıtýynsha, bıylǵy tirkeý naýqanyna 79 emhana qatysty.

« Barlyǵy 79 emhana qatysty. Onyń ishinde 40 emdeý mekemesi jekemenshik. Beseýi memlekettik tapsyrys pen MÁMS paketi sheńberinde qyzmet kórsetýshiler tizimine jańadan qosylǵandar. Bul memlekettik emhanalardyń júktemesin azaıtyp, halyqtyń tańdaý múmkindigin arttyrary sózsiz»,- deıdi Tileýhan Ábildaev.

Sonymen qatar, ol aldaǵy ýaqytta naýqanǵa qatysqan emhanalardyń qujattary tyńǵylyqty tekseriletinin atap ótti.

«Qor olarmen 2022 jylǵa kelisimshart bekitetin bolady. Azamattar aýystyrǵan emhana kómegine keler jyldyń 1-qańtarynan bastap júgine alady, oǵan deıin burynǵy emhanada qaralady»,- deıdi fılıal basshysy.


Avtor Alma Muqanova
Basty sózder: Almaty, Medıtsına, Qoǵam,
Joǵary qaraı