Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 17 tamyzdan bastap qandaı nysandardyń jumysy jandanady

2020 jyldyń 15 tamyz 2020 12:30

ALMATY. QazAqparat – 17 tamyzdan bastap Almatyda kóptegen kásipkerlik sýbektilerdiń jumysy qaıta jandanady, dep habarlaıdy QazAqparat tilishisi.

Almaty qalasynyń bas memlekettik sanıtar dárigeri Jandarbek Bekshıniń aıtýynsha, osy ýaqytqa deıin qyzmetine tyıym salynǵan nysandar dúısenbiden bastap jumysyn qaıta bastaıdy.

«17 tamyzdan bastap saýda ortalyqtary, saýda jelileri men ashyq bazarlar jumys isteı bastaıdy. Sondaı-aq, sán salony men ortalyqtarynyń, shashtarazdardyń, SPA-ortalyqtarynyń jumysyna ruqsat etiledi. Balalarǵa arnalǵan túzetý kabınetteri, bilim berý ortalyqtary aldyn ala jazylý boıynsha jumys isteıdi. Aıta ketý kerek munda adam sanyna shekteý qoıylǵan. ıAǵnı, 5 kelýshiden artyq qabyldaýǵa bolmaıdy«», – deıdi Jandarbek Bekshın.

Sondaı–aq, dúısenbiden bastap ashyq aspan astyndaǵy attraktsıondarǵa ashylýǵa ruqsat berildi. Munda da barylyq sanıtarııa talaby saqtalýy tıis. Áleýmettik qashyqtyqty saqtaý, kelýshiler aǵynyn retteý jáne mindetti túrde maska taǵý qajet.

«Sportpen shuǵyldanýǵa ruqsat etildi. 30 adamnan aspaıtyn ulttyq qurama komandalarǵa jattyǵý ótkizýge bolady. Munda joǵaryda atalǵan sanıtarlyq talapty saqtaý qajet», - deıdi ol.

Sonymen qatar, almatylyqtarǵa saıabaqtarǵa, alańdarǵa, jaǵalaýǵa, barýǵa bolady. Biraq 1 metrlik áleýmettik qashyqtyqty qadaǵalaý kerek.


Joǵary qaraı