Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 18 jańa densaýlyq saqtaý nysany salynady

2022 jyldyń 24 qańtar 2022 17:17

ALMATY. QazAqparat- Almatyda halyq sanynyń ósýine baılanysty ambýlatorııalyq-emhanalyq mekemelerdiń jańa obektilerin salý jospary ázirlendi, dep habarlaıdy QazAqparat tilshisi.

Almaty qalasy ákiminiń orynbasary Muzıt Ázirbaev aıtqandaı, bıyl №1 balalar aýrýhanasynyń qabyldaý bólimshesiniń,«Kemel» yqsham aýdanynda otbasylyq-dárigerlik ambýlatorııanyń qurylysy, sondaı-aq, Jetisý aýdanynda №11 emhananyń seısmoturaqtylyǵyn kúsheıtý jumystary aıaqtalady.

«18 densaýlyq saqtaý nysanyna jobalyq-smetalyq qujattama ázirleýdi aıaqtaımyz. Olardyń 15-i boıynsha qurylys – montaj jumystary bıyl, qalǵandary boıynsha 2023 jyly bastalady», - dedi ol.

Qulja tas jolynyń ońtústigine qaraı medıtsınalyq klasterdi jobalaý bastaldy. Munda 250 tósektik kóp beıindi aýrýhana, 250 tósektik pallıatıvtik kómek ortalyǵy jáne 150 oryndyq múgedekterdi ońaltý ortalyǵy, 200 oryndyq kóp beıindi statsıonar jáne dıagnostıkalyq ortalyq salynady.



Avtor Dýman Arǵyngeldi
Basty sózder: Almaty, Qurylys, Medıtsına,
Joǵary qaraı