Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 2,8 mln preparat qory bar – Baqytjan Saǵyntaev

2020 jyldyń 28 shilde 2020 10:00

NUR-SULTAN. QazAqparat – Almaty qalasynyń ákimi Baqytjan Saǵyntaevhalyqty dári-dármekpen qamtamasyz etý jumystaryn baıandady, dep habarlaıdy QazAqparat tilshisi.

«Medıtsına uıymdaryn materıaldyq-tehnıkalyq jabdyqtaýǵa, dári-dármekpen qamtamasyz etýge, jeke qorǵaný quraldaryn satyp alýǵa jergilikti bıýdjetten 68,5 mlrd teńge bólindi. Áleýmettik mańyzy bar dárilik zattar men medıtsınalyq buıymdar boıynsha Turaqtandyrý qory quryldy. Oǵan 10 mlrd teńge bólindi. 94 túrli preparattardyń qory jasalýda», - dedi ákim Úkimet otyrysynda.

Onyń aıtýynsha, 1 shildeden bastap 9 mln astam qaptama dári-dármek kelip tústi. Onyń ishinde Turaqtandyrý qorynyń qarajaty esebinen - 3,6 mln qaptama alynǵan.

«Búginde qala qoımalarynda 2,8 mln preparat qory bar. Osy aptanyń sońyna deıin Turaqtandyrý qorynyń esebinen taǵy 3,8 mln qaptama ákelinedi. Jumys jalǵasýda. Qala jeke qorǵaný quraldarymen tamyz aıynyń sońyna deıin qamtamasyz etilgen», - dedi Baqytjan Saǵyntaev.

Aıta keteıik, Almatyda 10 955 COVID-19 juqtyrý jaǵdaıy tirkelgen. Onyń ishinde 6 341 adam nemese 60% emdelip shyqqan, 73 adam (0,68%) koronavırýstan qaıtys bolǵan.

Koronavırýs pandemııasynyń ekinshi tolqynyna daıyndyq sheńberinde Almatyda birneshe gospıtal ashylady.


Joǵary qaraı