Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 2 myńnan astam medqyzmetkeri juqpaly aýrýlarmen jumys isteýge nıetti

2020 jyldyń 4 tamyz 2020 13:54

ALMATY. QazAqparat – Almatyda 2 335 medıtsına mamandary juqpaly aýrýlar aýrýhanasynda jumys isteýge ázir. Bul týraly Almaty qalasy Joǵary medıtsınalyq kolledjiniń dırektory Svetlana Sultanǵazıeva onlaın brıfıng barysynda aıtty.

Qazirgi tańda koronavırýs juqtyrǵandardy emdeýge 27 medıtsına uıymy tartylǵan. Jalpy, megopolıste 74 vedomstvolyq mekeme qyzmet isteıdi, odan bólek 20 respýblıkalyq jáne 93 jeke menshik medıtsına uıymy bar. Olardyń barlyǵynda 38 myńdaı medıtsına kadry jumys istep jatyr.

«1 tamyzdaǵy jaǵdaı boıynsha 6 myńnan astam tósek-oryn ashyldy. Onda 4035 qyzmetker jumys isteıdi. Sonymen qatar, kadr resýrstaryn josparlaýmen jáne boljaýmen aınalysamyz. Engizilgen ınfektsıondy tósek sanyna baılanysty shtat kestesi júrgiziledi»,– dedi Svetlana Sultanǵazıeva

Sonymen qatar ol tamyz aıynyń sońynda 300 tósekke arnalǵan modýldik statsıonar ashý josparda ekenin aıtty.

Biz kadrlardy izdeý boıynsha úzdiksiz jumys júrgizýdemiz, BAQ-ta, áleýmettik jelide aqparattandyrý men keńinen nasıhattaýdy, ótinimderdi jınaýdy jalǵastyryp jatyrmyz. Birinshi kezekte jeke menshik medıtsına uıymdarynan áriptesterdi tartýǵa tyrysamyz, odan keıin kolledjder men JOO túlekterin tartýdamyz. Almaty qalasynda 2 medıtsınalyq ýnıversıtet jáne 10-nan astam kolledj bar. Sondaı-aq, volonterlerdi de shaqyryp jatyrmyz. 2020 jyldyń 3 tamyzynda kadr rezervinde 2335 adam bar», -deıdi ol.


Avtor Alma Muqanova
Basty sózder: Medıtsına, Koronavırýs, Almaty,
Joǵary qaraı